મોહમ્મદ શમી વર્લ્ડકપ ૨૦૨૩માં શાનદાર પ્રદર્શન બાદ ઇજાના કારણે આઇપીએલ અને આંતરરાષ્ટ્રીય ક્રિકેટથી દૂર રહ્યો હતો. હવે ટીમ ઈન્ડિયાનો આ ફાસ્ટ બોલર ખાસ્સો સાજો થઈ ગયો છે અને ફરીથી ટેસ્ટ શ્રેણીથી ટીમ ઈન્ડિયામાં પુનરાગમન કરવા તૈયાર છે. છેલ્લું એક વર્ષ તેનાં માટે ઘણું ઘણું ઉતારચડાવ ભર્યું રહ્યું હતું. પરંતુ તેના જીવનમાં એક એવો સમય આવ્યો હતો જ્યારે તે ખૂબ વ્યથિત હતો અને આત્મહત્યા કરવા માંગતો હતો. તેની પત્ની દ્વારા લગાવવામાં આવેલા આરોપોથી તે નારાજ હતો. તેની પત્ની હસીન જહાંએ તેના પર મેચ ફિક્સિંગ, દહેજ અને યૌન ઉત્પીડનનો આરોપ લગાવ્યો હતો. તેના એક મિત્ર અને ધારાસભ્ય ઉમેશ કુમારે જણાવ્યું કે શમી એક વખત આત્મહત્યા કરવા સુધીનો વિચાર કરી ચૂક્યો હતો.
ઉમેશ કુમારે એક યુટ્યુબ ચેનલ પર કહ્યું હતું કે, “શમી મારી સાથે મારા ઘરે રહેતો હતો અને જીવનમાં ઘણા બધા મોરચે લડતો હતો. પરંતુ જ્યારે પાકિસ્તાન સાથે મેચ ફિક્સિંગનો આરોપ લાગ્યો અને તપાસ થઈ ત્યારે તે ભાંગી પડ્યો હતો. તેણે મને કહ્યું કે હું બધું સહન કરવા તૈયાર છું. પરંતુ હું પાકિસ્તાન વિરુદ્ધ મેચ ફિક્સિંગનો આરોપ સહન નહીં કરી શકું. સમાચારોમાં પણ આવ્યું હતું કે એ રાત્રે શમીને કઇંક કરી નાખવાના મૂડમાં હતો.’ આ ઇન્ટરવ્યૂમાં ઉમેશ કુમારે કહ્યું હતું કે, “સવારના ચાર વાગ્યા હતા અને તે બાલ્કનીમાં ઊભો હતો. હું પાણી પીવા ઊભો થયો હતો અને સમજી ગયો કે શું થઈ રહ્યું છે. અમે ઓગણીસમાં માળે રહીએ છીએ. તે રાત તેના જીવનની સૌથી વધુ કયામતની રાત હતી. એ લાંબી દુ:ખની રાત હતી.’
ઉમેશે ઉમેર્યું હતું કે ’ત્યાર પછી એક દિવસ અમે બંને મોડેથી ચેટ કરી રહ્યા હતા. ત્યારે અમને મેસેજ મળ્યો કે શમીને ક્લીનચીટ મળી ગઈ છે. તે દિવસ શમી માટે વર્લ્ડ કપ જીતવા કરતાં પણ વધુ ખુશીનો હતો. એ શમી અને આ શમીમાં ઘણો ફરક છે.”
શમીએ ૬ જાન્યુઆરી, ૨૦૧૩ના રોજ દિલ્હીમાં પાકિસ્તાન સામે રમાયેલી વનડે મેચ દરમિયાન ભારત માટે આંતરરાષ્ટ્રીય ડેબ્યૂ કર્યું હતું. આ ૩૩ વર્ષીય ક્રિકેટરે ભારત માટે ૬૪ ટેસ્ટ, ૧૦૧ વનડે અને ૨૩ ટી ૨૦ મેચ રમી છે. તેના નામે કુલ ૪૪૮ વિકેટ છે. મોહમ્મદ શમીએ વર્લ્ડ કપ ૨૦૨૩માં ભારત માટે શાનદાર બોલિંગ કરી હતી અને તેણે ભારતને ફાઇનલમાં લઈ જવામાં મહત્વની ભૂમિકા ભજવી હતી. આ ટુર્નામેન્ટમાં શમીએ ૨૪ વિકેટો ઝડપી હતી.
ઉમેશે ઉમેર્યું હતું કે ’ત્યાર પછી એક દિવસ અમે બંને મોડેથી ચેટ કરી રહ્યા હતા. ત્યારે અમને મેસેજ મળ્યો કે શમીને ક્લીનચીટ મળી ગઈ છે. તે દિવસ શમી માટે વર્લ્ડ કપ જીતવા કરતાં પણ વધુ ખુશીનો હતો. એ શમી અને આ શમીમાં ઘણો ફરક છે.”
શમીએ ૬ જાન્યુઆરી, ૨૦૧૩ના રોજ દિલ્હીમાં પાકિસ્તાન સામે રમાયેલી વનડે મેચ દરમિયાન ભારત માટે આંતરરાષ્ટ્રીય ડેબ્યૂ કર્યું હતું. આ ૩૩ વર્ષીય ક્રિકેટરે ભારત માટે ૬૪ ટેસ્ટ, ૧૦૧ વનડે અને ૨૩ ટી ૨૦ મેચ રમી છે. તેના નામે કુલ ૪૪૮ વિકેટ છે. મોહમ્મદ શમીએ વર્લ્ડ કપ ૨૦૨૩માં ભારત માટે શાનદાર બોલિંગ કરી હતી અને તેણે ભારતને ફાઇનલમાં લઈ જવામાં મહત્વની ભૂમિકા ભજવી હતી. આ ટુર્નામેન્ટમાં શમીએ ૨૪ વિકેટો ઝડપી હતી.