દાહોદ જીલ્લાના સિંગવડ તાલુકાના મુનાવાણી ગામે એક ફોરવીલ ગાડીના ચાલકે એક નવ વર્ષ બાળકીને અડફેટમાં લેતા બાળકીને ગંભીર ઈજાઓને પગલે મોત નિપજ્યાનું જાણવા મળે છે.
ગત તારીખ 23મી જુલાઈના રોજ શિંગવડના મુનવાણી ગામે થી એક ફોરવીલર ગાડીનો ચાલક પોતાના કબ્જાની ફોરવીલર ગાડી પુરઝડપે તેમજ ગફલત ભરી રીતે હંકારી લાવી તે સમયે ત્યાંથી પસાર થઈ રહેલ મુનવાણી ગામે નિશાળ ફળિયામાં રહેતા નવ વર્ષિય તન્વીબેનને અડફેટમાં લઈ ટક્કર મારતા તન્વીબેનને શરીર, હાથે પગે તેમજ માથાના ભાગે ગંભીર ઈજાઓ પહોંચતા તેઓનું સ્થળ પરજ મોત નીપજ્યું હતું.
આ સંબંધે મહેશભાઈ લાલુભાઇ હઠીલાએ રણધીકપુર પોલીસ મથકે ફરિયાદ નોંધાવતા પોલીસે ગુનો નોંધી આગળની કાયદેસરની કાર્યવાહી હાથ ધરી છે.