સહકારી સંસ્થાઓ વચ્ચે સહકાર અંતર્ગત જીલ્લામાં આવેલ તમામ સહકારી સંસ્થાઓના આર્થિક વ્યવહારો, થાપણો અને ધિરાણો જીલ્લા બેંકના ખાતાઓમાંથી જ થાય તેના આયોજન માટે ગુજરાત સહકાર, મીઠા ઉદ્યોગ, લઘુ સુક્ષ્મ અને મધ્યમ ઉદ્યોગ રાજ્યમંત્રી જગદીશ વિશ્વકર્મા ની અધ્યક્ષતામાં તા. 25-07-2024 ના રોજ બપોરે 02:00 કલાકે ધી ખેડા જીલ્લા સહકારી બેન્ક (કેડીસીસી), સરદાર પટેલ સહકાર ભવન, મીશન રોડ નડિયાદ ખાતે સહકાર થી સમૃધ્ધિ અંતર્ગત કાર્યક્રમનુ આયોજન છે. જેમાં સહકાર મંત્રી જગદીશભાઈ વિશ્વકર્મા સાથે, સચિવ સંદિપકુમાર, રાજ્ય રજીસ્ટ્રાર તથા ધી ગુજરાત સ્ટેટ કો.ઓપ. બેંક લિ.ના ચેરમેન અજયભાઈ પટેલ જરૂરી માર્ગદર્શન આપશે.
આ મીટીંગમાં જીલ્લા રજીસ્ટ્રાર, ધી ખેડા જીલ્લા મધ્યસ્થ સહકારી બેંકના ચેરમેન, વાઈસ ચેરમેન અને ડિરેક્ટરઓ હાજર રહેશે તથા ખેડા, આણંદ અને મહિસાગર જીલ્લાના બાલાશિનોર તથા વિરપુર તાલુકાની વિવિધ એ.પી.એમ.સી. તથા વિવિધ સહકારી સંસ્થાના પ્રતિનિધિઓ / હોદ્દેદારો હાજર રહેનાર છે.