ઇઝરાયેલ અને હમાઝ વચ્ચે છેલ્લા એક વર્ષથી સંઘર્ષ ચાલી રહ્યો છે. આ દરમિયાન ઈઝરાયેલે ગાઝા પટ્ટીમાં ખાન યુનિસ પર હુમલો કર્યો, જેમાં ૭૦ લોકોના મોત થયા. આ હુમલામાં ૨૦૦થી વધુ લોકોના મોત થયા હતા. હમાસ નિયંત્રિત ગાઝાના સ્વાસ્થ્ય મંત્રાલયે આ માહિતી આપી. સેનાએ ચેતવણી આપી હતી કે તેઓ આ વિસ્તારમાં જોરદાર કાર્યવાહી કરશે. સૈન્ય ચેતવણીએ દક્ષિણ ગાઝામાં અલ માવાસી માનવતાવાદી ક્ષેત્રના પૂર્વમાં ખાન યુનિસને અસર કરી, જેના કારણે હજારો પેલેસ્ટિનિયનો વિસ્તાર છોડીને ભાગી ગયા.
આ વર્ષની શરૂઆતમાં ખાન યુનિસમાં અનેક હુમલા થયા હતા. અલ-માવસીમાં થયેલા હુમલામાં ૯૨ લોકો માર્યા ગયા હોવાના આરોગ્ય મંત્રાલયે કહ્યું હતું તેના નવ દિવસ બાદ તાજેતરની ઘટના બની છે. ઈઝરાયેલે કહ્યું કે તેઓ હમાસ કમાન્ડરને નિશાન બનાવી રહ્યા છે. ઇઝરાયલે હમાસને સંપૂર્ણ રીતે નષ્ટ કરવાની પ્રતિજ્ઞા લીધી. ઇઝરાયેલના વડાપ્રધાન બેન્જામિન નેતન્યાહુ પર યુદ્ધવિરામ અને બંધકોની મુક્તિ અંગે સતત દબાણ કરવામાં આવી રહ્યું છે.
નેતન્યાહૂ અમેરિકી રાષ્ટ્રપતિ જો બિડેનને મળશે. બિડેન ઇઝરાયેલના રાષ્ટ્રપતિ સાથે યુદ્ધવિરામ અંગે સતત વાત કરી રહ્યા છે. ગયા વર્ષે ૭ ઓક્ટોબરે હમાસના આતંકવાદીઓએ ઈઝરાયેલ પર હુમલો કર્યો હતો. આ હુમલાના નવ મહિના પછી પણ ઈઝરાયેલ અને હમાસ વચ્ચે સંઘર્ષ ચાલુ છે. આ વર્ષે જૂનમાં નેતન્યાહૂએ કહ્યું હતું કે યુદ્ધ ચરમસીમાએ છે અને સમાપ્ત થવાનું છે.
ગાઝાના સ્વાસ્થ્ય મંત્રાલયે કહ્યું, ખાન યુનિસ વિસ્તારમાં આજે સવારથી હુમલા થઈ રહ્યા છે. આ હુમલામાં ૭૦ લોકોના મોત થયા છે, જ્યારે ૨૦૦થી વધુ લોકો ઘાયલ થયા છે. ઇઝરાયેલી સૈન્યએ મૃતકોની સંખ્યા અંગે ટિપ્પણી કરી નથી. જો કે, એક નિવેદનમાં, સેનાએ કહ્યું કે તેના ફાઇટર જેટ અને ટેક્ધોએ આ વિસ્તારમાં આતંકવાદી ઠેકાણાઓ પર હુમલો કર્યો અને તેમને ખતમ કરી દીધા. નિવેદનમાં કહેવામાં આવ્યું છે કે સેનાએ ખાન યુનિસમાં ૩૦થી વધુ આતંકવાદી ઠેકાણાઓ પર હુમલો કર્યો. ઇઝરાયલી દળોએ હમાસના આતંકવાદીઓ દ્વારા ઉપયોગમાં લેવાતા શોના સંગ્રહ સુવિધાઓ, ટનલ શાટ અને માળખાને પણ નિશાન બનાવ્યા હતા.
તમને જણાવી દઈએ કે ગયા વર્ષે ૭ ઓક્ટોબરે હમાસના આતંકવાદીઓએ દક્ષિણ ઇઝરાયેલ પર હુમલો કર્યો હતો, જેમાં ૧,૧૯૭ લોકો માર્યા ગયા હતા. માર્યા ગયેલા લોકોમાં મોટા ભાગના ઈઝરાયેલના નાગરિકો હતા. આતંકવાદીઓ ૨૫૧ લોકોને બંધક બનાવીને ગાઝા લાવ્યા હતા. ઈઝરાયેલી સેનાનું કહેવું છે કે ૧૧૬ બંધકો હજુ પણ ગાઝામાં છે, જ્યારે ૪૪ના મોત થયા છે. આ હુમલાના જવાબમાં ઈઝરાયેલની સેનાએ ગાઝા પર હુમલો કર્યો અને વિસ્તારના ઈન્ફ્રાસ્ટ્રક્ચરનો નાશ કર્યો. આ હુમલામાં ગાઝાના ૩૯,૦૦૦ લોકો માર્યા ગયા હતા.