મુંબઇ,
ભારતીય ટીમના સિનિયર વિકેટ કીપર બેટ્સમેન દિનેશ કાર્તિકના એક નવા વીડિયોએ ક્રિકેટ જગતમાં હલચલ મચાવી દીધી છે. કાતકનો આ વીડિયો તાજેતરમાં પૂરા થયેલા ટી 20 વર્લ્ડ કપની યાદો પર છે. પરંતુ જે રીતે તેણે આ વીડિયો રજૂ કર્યો છે તેના પરથી અટકળો લગાવવામાં આવી રહી છે કે આ વિકેટકીપર બેટ્સમેને તેની આંતરરાષ્ટ્રીય કારકિર્દીમાંથી નિવૃત્તિ લઈ લીધી છે.
આ ખેલાડીએ ટી ૨૦ વર્લ્ડ કપ ૨૦૨૨ માં રમવાના પોતાના અદ્ભુત અનુભવનો ઉલ્લેખ કર્યો. આ સાથે તેણે સેમીફાઈનલમાં હાર્યા બાદ ટીમના બહાર થવા પર દુ:ખ પણ વ્યક્ત કર્યું હતું. ડીકેએ તેના ઇન્સ્ટાગ્રામ પર જે વિડિયો શેર કર્યો છે, તેની શરૂઆત ટીમના ડ્રેસિંગ રૂમથી સ્ટેડિયમ તરફ જોઇને થાય છે અને ત્યારબાદ કાર્તિક હાથમાં હેલ્મેટ સાથે વિકેટકીપિંગ ગ્લોવ્ઝ પહેરીને મેદાનમાં જોવા મળે છે. આ પછી, તેની બેટિંગની ઝલક જોવા મળે છે અને પછી મેચ પછી, તે તેના ફ્રી સમયમાં સાથી ખેલાડીઓ સાથે ઓસ્ટ્રેલિયામાં ફરતો જોવા મળે છે.