દાહોદ જીલ્લાના ફતેપુરા તાલુકાના રાવળના વરૂણા ગામે જાહેરમાં પાના પત્તા વડે રમાતા જુગારના અડ્ડા પર પોલીસે ઓચિંતો છાપો મારતાં જુગારીઓમાં નાસભાગના દ્રશ્યો સર્જાઈ જવા પામ્યાં હતાં. પોલીસે ચાર જુગારીઓને ઝડપી પાડી તેઓની અંગ ઝડતી તેમજ દાવ પરથી કુલ રોકડા રૂપીયા 1,280 તેમજ બે મોબાઈલ ફોન મળી કુલ રૂા.3,460નો મુદ્દામાલ પોલીસે કબજે કર્યાનું જાણવા મળે છે.
ગત તા.20મી જુલાઈના રોજ ફતેપુરાના રાવળના વરૂણા ગામે આશ્રમ શાળાની પાછળના ભાગે ખુલ્લી જગ્યામાં જાહેરમાં જુગાર રમતા યાસીન સલામ કુંજરા, યાસીન ઈશાક ચિતા, ઈયુમ કયુબ મોઢીયા અને સરફરાજ ગફાર મતાદાર આ ચારેય જુગારીઓને પોલીસે ઝડપી પાડી તેઓની અંગ ઝડતી તેમજ દાવ પરથી રોકડા રૂપીયા 1,280 તેમજ બે મોબાઈલ ફોન મળી પોલીસે કુલ રૂા.3,460નો મુદ્દામાલ કબજે કરી આ સંબંધે સુખસર પોલીસે જુગાર ધારાની કલમ મુજબ ગુનો નોંધી આગળની કાયદેસરની કાર્યવાહી હાથ ધરી છે.