આજરોજ તારીખ 20/07/2024 નારોજ જી પી ધાનકા હાઇસ્કુલ ખાતે તારીખ 21/07/2024 નારોજ ગુરૂપૂર્ણિમા દિન નિમિત્તે સવારે આઠ કલાકે શાળાના વિદ્યાર્થીઓ અને વાલીઓની હાજરીમાં ગુરૂપૂર્ણિમા દિનની ઉજવણી કરવામાં આવી હતી. આ પ્રસંગે શાળાનાં મદદનીશ શિક્ષિકા મનીષાબેન બામણ દ્વારા વિદ્યાર્થીઓ સમક્ષ ગુરૂ પૂર્ણિમાનું મહત્વ સમજાવવામાં આવ્યું હતું. ગુરૂપૂર્ણિમાને વ્યાસ પૂર્ણિમા કે નારીયેળી પૂર્ણિમા કહે છે અને આ દિવસે આપણા જીવનમાં વિકાસમાં ભાગીદાર એવા ગુરૂજનોનોં આદર સત્કાર કરવો જોઈએ ” ગુરૂ ગોવિંદ દોનો ખડે ઇનકો લાગુ પાય બલિહારી ગુરૂ આપકી જેને ગોવિંદ દિયો બતાય” આપણા જીવનમાં ભગવાન કરતાં પણ ગુરૂનું વધારે મહત્વ હોય છે અને ગુરૂ એ જ આપણને અંધકારમાંથી પ્રકાશ તરફ લઈ જઈ આપણા જીવનને ઉજાળે છે. ત્યારબાદ શાળાના વિદ્યાર્થીઓ દ્વારા તેમના માતા-પિતા અને શાળાના શિક્ષકોનું પૂજન કરી આશીર્વાદ પ્રાપ્ત કર્યો હતો સમગ્ર કાર્યક્રમનું સંચાલન દ્રષ્ટિ બેન ટંડેલ દ્વારા કરવામાં આવ્યું હતું.