કપડવંજ તાલુકાની નવાબોભા પ્રાથમિક શાળામાં નવા વર્ગખંડનું ઉદ્ઘાટન

• Ttec કંપની અને ગુજરાત રાજ્ય ગ્રામ વિકાસ એજન્સી સમિતિના સહયોગથી નવાબોભામાં નવા વર્ગખંડનું કરાયું નિર્માણ.

કપડવંજ તાલુકાની નવાબોભા પ્રાથમિક શાળામાં Ttec કંપની તથા ગુજરાત રાજ્ય ગ્રામ વિકાસ એજન્સી સમિતિના સહયોગથી નવીન બનેલ વર્ગખંડનું ગુજરાત ગ્રામ વિકાસ એજન્સી સમિતિના મેનેજર રાજેશભાઈ વાઘેલાના હસ્તે ઉદઘાટન કરવામાં આવ્યું હતું. મેનેજર રાજેશભાઈ વાઘેલાએ પોતે નહીં પણ દીકરીઓના હસ્તે વર્ગખંડનું ઉદઘાટન કરાવ્યું હતું.

વાઘેલાએ બાળકો સાથે સંવાદ કરી બાળકોને શિક્ષણ અંગે વાત કરી ઉચ્ચ અભ્યાસ કરી જીવનમાં ખૂબ આગળ વધો એવી શુભેચ્છાઓ પાઠવી હતી.

આ પ્રસંગે બાળકોએ કુમકુમ તિલક ચાંદલો કરી મહેમાનોને આવકાર્યો હતા. બાળકો પ્રકૃતિ અને દેશ નેતાઓ વિશે રજૂઆત કરી, તુલસીપત્ર આપી તેમનું સન્માન કરવામાં આવ્યું હતું. સરપંચ એસ.એમ.સી. સભ્યો તથા શાળા પરિવારના સહયોગથી કાર્યક્રમને સફળ બનાવવામાં આવ્યો હતો. ગ્રામજનો પણ હાજર રહ્યા હતા. અંતમાં આચાર્ય રાકેશભાઈએ આભાર વિધિ કરી હતી.