દાહોદ જીલ્લાના લીમખેડા નગરમાં કુભારવાડામાં જાહેરમાં પાના પત્તા વડે જુગાર રમતાં પાંચ જુગારીઓને પોલીસે ઝડપી પાડી તેઓની અંગ ઝડતી તેમજ દાવ પરથી રોકડા રૂપીયા 13,730 તેમજ પાંચ નંગ. મોબાઈલ ફોન મળી પોલીસે કુલ રૂા.54,230નો મુદ્દામાલ કબજે કરી પાંચેય જુગારીઓને જેલના સળીયા પાછળ ધકેલી દીધાંનું જાણવા મળે છે.
ગત તા.16મી જુલાઈના રોજ પોલીસને મળેલ બાતમીના આધારે લીમખેડા નગરનાં કુભારવાડામાં જાહેરમાં રમાતા પાના પત્તાના જુગારના અડ્ડા પર પોલીસે ઓચિંતી પ્રોહી રેડ પાડી જુગારીઓમાં નાસભાગના દ્રશ્યો સર્જાઈ જવા પામ્યાં હતાં. પોલીસે જુગાર રમી રહેલા રવિકુમાર ગોવિંદભાઈ ચાવડા, સુકેશભાઈ મહેન્દ્રભાઈ ગુર્જર, રાકેશભાઈ નગીનભાઈ સોલંકી, સુનિલભાઈ ભરતભાઈ પરમાર અને કાળાભાઈ પ્રતાપભાઈ સોલંકીને ઝડપી પાડી તેઓની અંગ ઝડતી તેમજ દાવ પરથી કુલ રોકડા રૂપીયા 13,730 તેમજ પાંચ નંગ. મોબાઈલ મળી પોલીસે કુલ રૂા.54,230નો મુદ્દામાલ કબજે કરી આ સંબંધે લીમખેડા પોલીસે ગુનો નોંધી આગળની કાયદેસરની કાર્યવાહી હાથ ધરી છે.