ઉત્તર પ્રદેશના ૨૦ જિલ્લામાં પૂરની સ્થિતિ છે. નેપાળ સરહદની નદીઓની સાથે ગંગા પણ વહેતી થઈ છે. વારાણસીમાં ગંગાનું જળસ્તર દર કલાકે ૫થી ૧૦ સેન્ટિમીટર વધી રહ્યું છે. ગોરખપુરમાં રાપ્તી નદી ખતરાના નિશાનથી આગળ વહી રહી છે. રસ્તાઓ પર હોડીઓ ફરી રહી છે. ૩૦ ગામો પાણીમાં ડૂબી ગયા છે. ગૃહમંત્રી અમિત શાહે પણ સીએમ યોગી સાથે પૂરની સ્થિતિ અંગે ચર્ચા કરી હતી.
બીજી તરફ બિહારમાં પણ ઘણા વિસ્તારોમાં પૂરની સ્થિતિ યથાવત છે. મુઝફરપુરમાં સ્થિતિ સૌથી ખરાબ છે. કટરા બ્લોકમાં બાગમતી અને લખંડેઈ નદીઓ તણાઈ રહી છે. બકુચી, પટારી, અંદામા, બસઘટ્ટા, નવાદા, ગંગેયાના ૫૦ હજારથી વધુ ગામોની વસ્તી પૂરના પાણીથી ઘેરાઈ ગઈ છે.હવામાન વિભાગે ગુજરાત, મહારાષ્ટ્ર, કર્ણાટક અને ગોવામાં વરસાદ માટે રેડ એલર્ટ જાહેર કર્યું છે. તે જ સમયે મધ્યપ્રદેશ, તમિલનાડુ, છત્તીસગઢ, આંધ્રપ્રદેશ અને તેલંગાણામાં ઓરેન્જ એલર્ટ જારી કરવામાં આવ્યું છે.
હવામાન વિભાગે આગામી ચોવીસ કલાકમાં ઉત્તરાખંડ, તેલંગાણા, આંધ્રપ્રદેશ, છત્તીસગઢ, મયપ્રદેશ, કર્ણાટક, તમિલનાડુ, અરુણાચલ પ્રદેશ, આસામ, મેઘાલય, પશ્ર્ચિમ બંગાળ, સિક્કિમ, આંદામાન અને નિકોબારમાં ભારે વરસાદની આગાહી કરી છે. તે જ સમયે આઇએમડીએ ઓડિશા, ગોવા, મહારાષ્ટ્ર, ગુજરાત, કર્ણાટક, મય પ્રદેશમાં ભારે વરસાદની આગાહી કરી છે.
બિહારના મુઝફરપુરમાં પૂરના કારણે ગામડાઓમાં અનેક ફૂટ પાણી ભરાઈ ગયા હતા. નદીઓના જળસ્તરમાં વધારો થવાને કારણે આ પૂર આવ્યું છે.દિલ્હીમાં ભારે વરસાદ થયો હતો. રસ્તાઓ પર પાણી ભરાઈ ગયા હતા.હૈદરાબાદમાં સોમવારે ભારે વરસાદ પડ્યો હતો, રસ્તાઓ પર પાણી ભરાઈ ગયા હતા. ટ્રેનોને પસાર થવામાં મુશ્કેલીનો સામનો કરવો પડ્યો હતો. ગોરખપુરમાં રાપ્તી નદી ખતરાના નિશાનથી ઉપર વહી રહી છે. ઘરોના પહેલા માળ સુધી પાણી પહોંચી ગયું છે. લોકો ધાબા પર રાત વિતાવી હતી આવતીકાલે ૧૭ જુલાઈએ ગોવા, ઉત્તરાખંડ, મહારાષ્ટ્ર, ગુજરાત, કેરળ, કર્ણાટક, હિમાચલ પ્રદેશ, ઉત્તર પ્રદેશ, રાજસ્થાન, મધ્યપ્રદેશ, છત્તીસગઢ, ઓડિશા, આંધ્રપ્રદેશ, તેલંગાણામાં ભારે વરસાદની ચેતવણી છે.