નિકુંજનાયક શ્રી ગોવર્ધનધરણ પ્રભુ ના પરમ અનુગ્રહ થી એવમ પુ.પા.ગો. શ્રી અભિષેકલાલજી મહારાજશ્રીના પાવન સાનિધ્યમાં ગો. વા. જ્યોત્સનાબેન ધનશ્યામભાઈ મજમુદારની માળા પહેરામણીનો અલૌકીક મનોરથ અષાઢ સુદ 8 તારીખ 14/07/2024 ને રવિવાર ના રોજ યોજાયો. આ અલૌકીક મનોરથનો લાભ લેવા મનોરથી પરીવારજનો અને કાલોલની સમસ્ત વૈષ્ણવ સૃષ્ટી ઉમટી પડી હતી. આ અલૌકીક અવસર પર શ્રીગોવર્ધનનાથજી હવેલીમાં શ્રી ઠાકોરજીને પલના મનોરથના દર્શન સવારે 10 કલાકે ત્યાર બાદ સમસ્ત મંડળના પાઠ બપોરે 3 કલાકે, માળા પહેરામણી સાંજે 5 કલાકે, પુ.જે જે શ્રીના વચનામૃત સાજે 6 કલાકે યોજાયા. જેમા પૂજ્ય શ્રી એ પશ્ચિમી સંસ્કૃતિનું આંધળું અનુકરણ કરવા સામે ચિંતા વ્યક્ત કરી સનાતન ધર્મ અને સંસ્કૃતિનું પાલન કરવા ઉપર ભાર મુકયો. ત્યારબાદ ગુલાબ નિકુંજમાં શ્રી ઠાકોરજીના ભવ્ય મનોરથના દર્શન સાંજે 7-00 કલાકે થશે. ત્યાર બાદ કાલોલના સમસ્ત વૈષ્ણવ સમાજ માટે મહાપ્રસાદની ભવ્ય વ્યવસ્થા સાંજે 7-30 કલાકે મંદિરના પ્રયાગરાજ ચોકમાં રાખેલ.