ગોધરા તાલુકાના કંકુ થાંભલાના રાકેશભાઈ ગણાવા ગોધરા ખાતે બામરોલી રોડ પર મજુરી અર્થે આવેલા હતા દરમિયાન તેમનુ દોઢ વર્ષની બાળક નિતેશ રમતા રમતા લોખંડના દરવાજા પાસે પહોંચી જતાં વજનદાર લોખંડનો દરવાજો તેની પર પડતાં તે દબાઈ જવા પામેલ હતો. બાળકની બુમાબુમ સાંભળીને પિતા દોડી આવી લોખંડનો દરવાજો હટાવ્યો હતો. બાળકને મોંઢાના ભાગે ગંભીર ઈજાઓ પહોંચી હતી. જેથી તાત્કાલિક ગોધરા સિવિલ હોસ્પિટલ ખાતે સારવાર અર્થે ખસેડાયો હતો. ગંભીર ઈજાઓના કારણે નિતેશને વેન્ટિલેટર પર મુકવામાં આવ્યો હતો. બાળકની સ્થિતિ જોઈને તબીબ દ્વારા તેને વડોદરા રિફર કરવા માટે પ્રક્રિયા હાથ ધરવામાં આવી હતી.