અનંત અંબાણી-રાધિકા મર્ચન્ટની સંગીત સેરેમનીમાં અનેક બોલિવૂડ સેલિબ્રિટીઝે ધૂમ મચાવી હતી. જાન્હવી કપૂર આ પ્રસંગે બોયફ્રેન્ડ શિખર પહારિયા સાથે જોવા મળી હતી. જાન્હવી અને શિખરે અગાઉ પણ અનેક વખત પોતાના રિલેશનશિપ અંગે હિન્ટ આપેલી છે. આ વખતે જાન્હવીની જેમ તેની નાની બહેન ખુશી કપૂર અને માનુષી છિલ્લરે પણ પોતાના સંબંધો સ્વીકાર્યા હતા.
લગ્ન બાદ પણ ફિલ્મોમાં લીડ રોલ મળી શકે છે તેવું આલિયા, દીપિકા અને કેટરિનાએ સાબિત કરી દીધું છે ત્યારે જાન્હવી, ખુશી અને માનુષી પણ આ અંગે ક્યારે નિર્ણય જાહેર કરે છે તે જોવું રહ્યું.
ખુશી કપૂર અને વેદાંગ રૈના ડેટિંગ કરી રહ્યા હોવાનું ઘણા સમયથી કહેવાય છે. તેમણે આ અંગે જાહેરમાં ક્યારેય ખુલાસો કર્યો નથી, પરંતુ જાન્હવી કપૂરે સોશિયલ મીડિયા પર શેર કરેલા ફોટોગ્રાસ ઘણું કહી જાય છે. આ ફોટોગ્રાસમાં રાધિકા મર્ચન્ટનું ફ્રેન્ડ સર્કલ જોવા મળે છે. જેમાં જાન્હવી કપૂર અને શિખર તો છે જ, પરંતુ તે સાથે વેદાંગ સૈના અને ખુશી કપૂર પણ જોવા મળે છે. જાન્હવી અને શિખર તો અગાઉ તિરુપતિની યાત્રા પણ સાથે કરી ચૂક્યા છે અને તેમને પોતાના સંબંધો છુપાવવામાં કોઈ રસ નથી.
જાન્હવીના પગલે તેની નાની બહેન ખુશી કપૂરે પણ વેદાંગ રૈના સાથે હાજરી આપી હતી. ગ્રૂપ ફોટોગ્રાસમાં કપૂર સિસ્ટર્સની સાથે શિખર અન વેદાંગ પણ દેખાઈ રહ્યા છે. વેદાંગ અને ખુશીએ ઓટીટી ફિલ્મ ’ધ આર્ચીઝ’થી બોલિવૂડમાં ડેબ્યુ કર્યુ હતું. ફોટોગ્રાફર્સે વેદાંગ અને ખુશીને સાથે પોઝ આપવા કહ્યું ત્યારે ખુશી શરમાઈ ગઈ હતી. જાન્હવી કપૂર અને શિખર પહારિયા લાંબા સમયથી ડેટિંગ કરી રહ્યા છે અને તેઓ ટૂંક સમયમાં લગ્ન કરે તેવી શક્યતા પણ છે. ખુશીએ પોતાના સંબંધો અંગે હિન્ટ આપી છે ત્યારે જાન્હવીના પગલે ખુશી પણ આ દિશામાં ક્યારે વિચારશે તે અંગે અટકળો ઊઠી રહી છે.
માનુષી છિલ્લરે વીર પહારિયા સાથે સંગીત સેરેમનીમાં હાજરી આપી હતી. માનુષી અગાઉ નિખિલ કામથ સાથે ડેટિંગ કરતી હતી. નિખિલ-માનુષીના બ્રેકઅપને ખાસ સમય થયો નથી ત્યારે તેનું નામ વીર પહારિયા સાથે જોડાયું છે. સોશિયલ મીડિયા પર ફરી રેલા એક વીડિયોમાં વીર અને માનુષી સાથે ડાન્સ કરતાં જોવા મળે છે અને તેમની કેમિસ્ટ્રી રંગ જમાવી રહી છે. તેમણે ’તુ જૂઠી મૈં મક્કાર’ના ગીત શો મી ધ ઠુમકા પર પરફોર્મ કર્યું હતું.
ટ્રેડિશનલ ડ્રેસમાં માનુષીએ સિલ્વર લેહેંગા અને શિખરે મેચિંગ કલરના કુર્તાની પસંદગી કરી હતી. આમ, સાથે ડાન્સ ઉપરાંત મેચિંગ ડ્રેસના કોમ્બિનેશને બોલિવૂડમાં ઊભરી રહેલી નવી જોડી અંગે ચર્ચાઓ શરૂ કરી હતી. જાન્હવીનો બોયફ્રેન્ડ શિખર અને વીર સગા ભાઈ છે. વીરે અક્ષય કુમારની ફિલ્મ સ્કાય ફોર્સથી બોલિવૂડમાં ડેબ્યુ કર્યું હતું. જાણકારોના મતે, માનુષી અને નિખિલના સંબંધો લાંબુ ટક્યા ન હતા અન ત્રણેક મહિના પહેલા તેમણે પરસ્પર સંમતિથી છૂટા પડવાનો નિર્ણય લીધો હતો. ત્યારબાદ માનુષીએ વીર સાથે જાહેરમાં મેચિંગ ડ્રેસ સાથે ડાન્સ કરીને રિલેશનશિપ અંગે ઈશારો કર્યો છે.