૩૦ જૂન, ૧૯૦૮ના રોજ, સાઇબિરીયાના એક દૂરના સ્થળ તુંગુસ્કામાં એસ્ટરોઇડને કારણે થયેલા પ્રચંડ હવાઈ વિસ્ફોટથી આશરે ૨,૨૦૦ ચોરસ કિલોમીટર ગાઢ જંગલનો નાશ થયો હતો. તેના કારણે લગભગ ૮૦ મિલિયન વૃક્ષો નાશ પામ્યા છે. પૃથ્વીની નજીકનો લઘુગ્રહ, જે વર્તમાન યુગનો સૌથી ખતરનાક કહેવાય છે, ૩૭૦ મીટર વ્યાસનો એપોફિસ ૧૩ એપ્રિલ, ૨૦૨૯ અને ફરીથી ૨૦૩૬માં આપણી પાસેથી પસાર થશે.
આવી અસર ડાયનાસોરના લુપ્ત થવાનું કારણ હોવાનું અનુમાન કરવામાં આવ્યું છે. વિશ્ર્વભરની અવકાશ એજન્સીઓ એસ્ટરોઇડ્સથી પૃથ્વીને બચાવવા માટે ગ્રહોની સંરક્ષણ ક્ષમતાઓ બનાવવા માટે કામ કરી રહી છે. ઈસરો પણ આ બાબતે જવાબદારી લેવા ઉત્સુક છે.
ઇસરો ચીફ એસ સોમનાથે કહ્યું, ‘આપણું આયુષ્ય ૭૦-૮૦ વર્ષ છે અને આપણે આપણા જીવનકાળમાં આવી આપત્તિઓ જોતા નથી, તેથી અમે માની લઈએ છીએ કે આ શક્ય નથી. જો તમે વિશ્ર્વ અને બ્રહ્માંડના ઇતિહાસ પર નજર નાખો, તો આ ઘટનાઓ વારંવાર બનતી રહે છેપ ગ્રહોની નજીક આવતા એસ્ટરોઇડ્સ અને તેમની અસર. મેં એસ્ટરોઇડને ગુરુને અથડાતા જોયા છે, મેં શૂમેકર-લેવીને અથડાતા જોયા છે. જો પૃથ્વી પર આવી કોઈ ઘટના બને તો આપણે બધા લુપ્ત થઈ જઈશું.
તેમણે વધુમાં કહ્યું કે ‘આ વાસ્તવિક શક્યતાઓ છે. આપણે આપણી જાતને તૈયાર કરવી જોઈએ. અમે નથી ઈચ્છતા કે ધરતી માતા સાથે આવું થાય. અમે ઇચ્છીએ છીએ કે માનવતા અને તમામ જીવો અહીં રહે. પરંતુ અમે તેને રોકી શક્તા નથી. આપણે વિકલ્પો શોધવા પડશે. તેથી, આપણી પાસે એક માર્ગ છે જેના દ્વારા આપણે તેને વિચલિત કરી શકીએ. આપણે પૃથ્વીની નજીક આવતા એસ્ટરોઇડને શોધી અને વિચલિત કરી શકીએ છીએ અને કેટલીકવાર આ અશક્ય પણ હોઈ શકે છે. તેથી, ટેક્નોલોજી વિક્સાવવાની, આગાહી કરવાની ક્ષમતા, તેને દૂર કરવા માટે ભારે પ્રોપ્સ મોકલવાની ક્ષમતા, અવલોકન સુધારવા અને પ્રોટોકોલ માટે અન્ય દેશો સાથે મળીને કામ કરવાની જરૂર છે.