ટી ૨૦ વર્લ્ડકપ ૨૦૨૪ સમાપ્ત થયા બાદ ઇન્ટરનેશનલ ક્રિકેટ કાઉન્સિલે ટી ૨૦ ખેલાડીઓની નવી રેક્ધિંગ યાદી જાહેર કરી છે. જેમાં ભારતના સ્ટાર ઓલરાઉંડર હાર્દિક પંડ્યાએ પોતાનું સ્થાન મજબૂત બનાવી લીધું છે.આઇસીસીના નવા રેક્ધિંગ મુજબ હાદકે શ્રીલંકાના વાનિંદુ હસરંગા પાસેથી ટી ૨૦માં નંબર વન ઓલરાઉન્ડરનો તાજ છિનવી લીધો છે આઇસીસી ટી ૨૦ રેક્ધિંગના ઇતિહાસમાં પહેલીવાર એવું બન્યું છે કે કોઇ ભારતીય ખેલાડી નંબર ૧ ઓલરાઉન્ડર બન્યો છે. હાદક અને હસરંગા બંનેના ૨૨૨ રેટિંગ પોઇન્ટ છે. જો કે, આઇસીસીએ ટી ૨૦ વર્લ્ડકપમાં પ્રભાવશાળી પ્રદર્શન કરનાર હાદકને ટોચ પર રાખ્યો છે અને હસરંગાને બીજો નંબર આપ્યો છે. આ રેક્ધિંગ સાથે હાદક પંડ્યા હવે ટી ૨૦ ફોર્મેટમાં કેપ્ટન બનવાનો મજબૂત દાવેદાર પણ બની ગયો છે.
આઇસીસીએ બહાર પાડેલી નવી રેક્ધિંગમાં હાદક પંડ્યાને બે ક્રમ અને ૯ પોઇન્ટનો ફાયદો થયો છે. અગાઉ આ યાદીમાં તે ત્રીજા ક્રમાંકે હતો. તમને જણાવી દઇએ કે, ટી ૨૦ વર્લ્ડકપમાં ૮ મેચોમાં ૧૪૪ રન બનાવવા ઉપરાંત હાદકે ૧૧ વિકેટ પણ ઝડપી હતી. તેણે સાઉથ આફ્રિકા સામેની ફાઇનલ મેચમાં પણ ત્રણ વિકેટ ઝડપી હતી તેમજ છેલ્લી ઓવરમાં ૧૬ રન ડિફેન્ડ કરી ટીમ ઇન્ડિયાને ચેમ્પિયન બનાવવામાં મહત્ત્વની ભૂમિકા ભજવી હતી. આ સિવાય ટી ૨૦ ઓલરાઉન્ડર રેક્ધિંગના ટોપ ૧૦માં બીજા પણ બદલાવ થયા છે. જે મુજબ ઓસ્ટ્રેલિયાના માર્કસ સ્ટોઇનિસ (ત્રીજા ક્રમે), ઝિમ્બાબ્વેના સિકંદર રઝા (ચોથા ક્રમે), બાંગ્લાદેશના શાકિબ અલ હસન (પાંચમા ક્રમે) અને ઇંગ્લેન્ડના લિયામ લિવિંગસ્ટોન (આઠમા ક્રમે) એક-એક સ્થાન ઉપર આવ્યા છે. તેમજ ચાર સ્થાન નીચે ઉતરી અફઘાનિસ્તાનનો મોહમ્મદ નબી ટોપ-૫ની બહાર થઇ ગયો છે.
આંતરરાષ્ટ્રીય ટી ૨૦ બોલર્સ રેક્ધિંગની વાત કરીએ તો ટોપ પર ઇંગ્લેન્ડના આદિલ રાશિદે (૭૧૮ પોઇન્ટ) પોતાનો કબજો યથાવત રાખ્યો છે. ૬૭૫ પોઇન્ટ સાથે સાઉથ આફ્રિકાના એનરિક નોખયાએ બીજા સ્થાને પહોંચી પોતાના કરિયરનો શ્રેષ્ઠ રેક્ધ હાંસલ કર્યો છે. આ રેક્ધિંગમાં તેને સાત સ્થાનનો ફાયદો મળ્યો છે. ત્રીજા ક્રમ પર શ્રીલંકાનો વાનિંદુ હસરંગા યથાવત છે. ટી ૨૦ વર્લ્ડકપમાં ૧૫ વિકેટ ઝડપી પ્લેયર ઓફ ધ ટૂર્નામેન્ટનો એવોર્ડ જીતાનારો ભારતનો સ્ટાર બોલર જસપ્રીત બુમરાહ (૬૪૦ પોઇન્ટ) ૧૨ ક્રમ ઉપર ચઢી આ યાદીમાં ૧૨મા ક્રમે આવી ગયો છે. ભારતનો સ્પિનર કુલદીપ યાદવે (૬૫૪ પોઇન્ટ) બોલીંગ રેક્ધિંગમાં ૩ ક્રમ ઉપર આવી ટોપ-૧૦માં પ્રવેશ કરતાં આઠમો સ્થાન મેળવ્યો છે. બેટ્સમેન રેક્ધિંગના ટોપ-૧૦માં કોઇ ખાસ ફેરફાર નથી થયો છે.