પશ્ર્ચિમ બંગાળના ગવર્નર સીવી આનંદ બોઝ અને સીએમ મમતા બેનર્જી વચ્ચેનો વિવાદ ઉગ્ર બન્યો છે. રાજ્યપાલે સીએમ મમતા બેનર્જીના નિવેદન સામે હાઈકોર્ટમાં માનહાનિનો કેસ દાખલ કરવાની વાત કરી છે અને હવે રાજ્યપાલે વધુ એક મોટું પગલું ભર્યું છે અને કોલકાતા પોલીસ કમિશનર વિનીત ગોયલ અને ડીસી સેન્ટ્રલ ઈન્દિરા મુખર્જીને હટાવવાની ભલામણ કરી છે. રાજભવનના સૂત્રોના જણાવ્યા અનુસાર રાજ્યપાલે આ અંગે કેન્દ્રના કર્મચારી અને તાલીમ વિભાગને પત્ર મોકલ્યો છે.
બંધારણના અનુચ્છેદ ૩૬૧ મુજબ રાજ્યપાલ પાસે કેટલીક સુરક્ષા શક્તિઓ છે. આવી સ્થિતિમાં તેની સામે કોઈ ગુનાહિત તપાસ ન થઈ શકે, પરંતુ કોલકાતા પોલીસે રાજભવનની હંગામી મહિલા કર્મચારીની ફરિયાદના આધારે તપાસ શરૂ કરી છે.
રાજભવનના સૂત્રોના જણાવ્યા અનુસાર રાજ્યપાલને લાગે છે કે તેમની સામેની આ તપાસ બંધારણનું ઉલ્લંઘન છે. આ વખતે આ જ કારણસર બંગાળના ગવર્નર સીવી આનંદ બોઝે કલકત્તાના પોલીસ કમિશનર વિનીત ગોયલ અને ડીસી સેન્ટ્રલ ઈન્દિરા મુખર્જીને હટાવવાની ભલામણ કરી છે. સૂત્રોના જણાવ્યા અનુસાર, તેણે રાજધાની દિલ્હીમાં સ્થિત કેન્દ્રના પર્સનલ અને ટ્રેનિંગ વિભાગને પણ એક પત્ર મોકલ્યો છે.
રાજભવનની હંગામી મહિલા કર્મચારીની ફરિયાદને લઈને બંગાળના રાજકીય વર્તુળોમાં ભારે ખળભળાટ મચી ગયો છે. આ અંગે મહિલાએ પોલીસમાં ફરિયાદ કરી હતી. તે ફરિયાદને ધ્યાનમાં રાખીને કોલકાતા પોલીસે એક ટીમ બનાવી તપાસ શરૂ કરી. જો કે, તે પૂછપરછને ધ્યાનમાં રાખીને, લાલબજાર દ્વારા તેમની સ્થિતિ સ્પષ્ટ કરવામાં આવી હતી. કહેવામાં આવ્યું હતું કે, આ કોઈ ખાસ વ્યક્તિ વિરુદ્ધ તપાસ નથી, પરંતુ ચોક્કસ આરોપને યાનમાં રાખીને તપાસ કરવામાં આવી રહી છે.
આ દરમિયાન રાજ્યપાલ સીવી આનંદ બોઝે પણ સામાન્ય લોકોને બોલાવ્યા અને રાજભવનના સીસીટીવી ફૂટેજ બતાવ્યા. તેમણે કહ્યું, તે સમયે મમતા બેનર્જી અને તેમની પોલીસ સિવાય કોઈ પણ સીસીટીવી ફૂટેજ જોવા આવી શકે છે. જોકે બાદમાં પોલીસે ફૂટેજ મેળવી લીધા હતા. આ મામલે મમતા બેનર્જી અને રાજ્યપાલ વચ્ચે ભારે વિવાદ ચાલી રહ્યો છે. આ અંગે મુખ્યમંત્રીના નિવેદન પર રાજ્યપાલે કહ્યું છે કે તેઓ હાઈકોર્ટમાં માનહાનિનો કેસ દાખલ કરશે.