વિપક્ષના નેતા રાહુલ ગાંધીએ સોમવારે લોક્સભામાં કરેલા સંબોધનમાં કરેલી ઘણી ટિપ્પણીઓ રેકોર્ડમાંથી છીનવાઈ ગઈ છે. ઉલ્લેખનીય છે કે રાહુલ ગાંધીએ પોતાના સંબોધનમાં હિન્દુઓ, વડાપ્રધાન નરેન્દ્ર મોદી અને આરએસએસ વિશે ટિપ્પણી કરી હતી. રાહુલ ગાંધીએ પોતાના ભાષણમાં કહ્યું હતું કે જેઓ પોતાને હિંદુ કહે છે, તેઓ ૨૪ કલાક હિંસા-હિંસા, નફરત-દ્વેષમાં વ્યસ્ત રહે છે. પીએમ મોદીએ પણ રાહુલ ગાંધીના આ નિવેદન પર વાંધો ઉઠાવ્યો અને કહ્યું કે સમગ્ર હિન્દુ સમાજને હિંસક કહેવું ગંભીર બાબત છે.
રાહુલ ગાંધીએ વિપક્ષના નેતા તરીકે પ્રથમ ભાષણ આપ્યું હતું. ભાજપ પર નિશાન સાધતા રાહુલ ગાંધીએ કહ્યું કે, જેઓ પોતાને હિંદુ કહે છે, તેઓ ૨૪ કલાક હિંસા, નફરત અને જૂઠ બોલતા રહે છે. તેઓ બિલકુલ હિંદુ નથી. હિંદુ ધર્મમાં સ્પષ્ટ લખ્યું છે કે વ્યક્તિએ સત્યની સાથે ઊભા રહેવું જોઈએ અને સત્યથી ક્યારેય પીછેહઠ ન કરવી જોઈએ. અહિંસા ફેલાવવી જોઈએ. જ્યારે પીએમ મોદીએ રાહુલના નિવેદન પર વાંધો ઉઠાવ્યો ત્યારે રાહુલ ગાંધીએ કહ્યું કે મેં ભાજપને હિંસક કહ્યું છે, નરેન્દ્ર મોદી સંપૂર્ણ હિન્દુ સમાજ નથી. ભાજપ સમગ્ર હિન્દુ સમાજ નથી. આરએસએસ એ સમગ્ર હિન્દુ સમાજ નથી.
કેન્દ્રીય ગૃહમંત્રી અમિત શાહે પણ રાહુલ ગાંધીની ટિપ્પણી પર નારાજગી વ્યક્ત કરી હતી. તેમણે કહ્યું કે ’આટલું મોટું કૃત્ય અવાજ કરીને છુપાવી શકાય નહીં. વિપક્ષી નેતાએ કહ્યું કે જેઓ પોતાને હિંદુ કહે છે તેઓ હિંસા કરે છે. તેઓ કદાચ જાણતા નથી કે કરોડો લોકો ગર્વથી પોતાને હિંદુ કહે છે, શું તેઓ બધા હિંસા કરે છે? હિંસાની ભાવનાને કોઈપણ ધર્મ સાથે જોડવી ખોટું છે અને તેમણે (રાહુલ ગાંધી) માફી માંગવી જોઈએ.
રાહુલ ગાંધીએ દાવો કર્યો કે ’વડાપ્રધાન નરેન્દ્ર મોદીએ અયોયાથી ચૂંટણી લડવાનું વિચાર્યું હતું, પરંતુ સર્વેએ તેમને કહ્યું કે અયોયાના લોકો તેમને હરાવી દેશે, તેથી પીએમ મોદી વારાણસી ગયા અને ત્યાંથી ભાગી ગયા.’ તેમણે કહ્યું કે પીએમ મોદીએ અયોયાના લોકોને છોડીને બીજેપીના લોકોને ડરાવવા જોઈએ. તેના પર સ્પીકર ઓમ બિરલાએ કહ્યું કે તમારે નીતિઓ પર બોલવું જોઈએ, કોઈના પર અંગત હુમલો કરવો યોગ્ય નથી.
અહેવાલો અનુસાર, રાહુલ ગાંધીના સંબોધનમાંથી જે ટિપ્પણીઓ સંસદીય કાર્યવાહીમાંથી હટાવી દેવામાં આવી છે તેમાં રાહુલ ગાંધીના ભાજપ પરના આરોપોનો સમાવેશ થાય છે, જેમાં રાહુલે કહ્યું હતું કે ભાજપ લઘુમતીઓ સાથે ભેદભાવપૂર્ણ વર્તન કરી રહી છે. ઉપરાંત, અદાણી અને અંબાણી પરની ટિપ્પણીઓ અને દ્ગઈઈ્ પરીક્ષા અંગેના આક્ષેપોને કાર્યવાહીમાંથી હટાવી દેવામાં આવ્યા છે. તેમજ રાહુલ ગાંધીએ અગ્નવીર યોજનાને ભારતીય સેના માટે નહીં પરંતુ પીએમઓની યોજના ગણાવી હતી, તેને પણ કાર્યવાહીના રેકોર્ડમાંથી હટાવી દેવામાં આવી છે.
રાહુલ ગાંધીએ લોક્સભાની કાર્યવાહીમાંથી તેમના ભાષણના અંશો હટાવવા પર પ્રતિક્રિયા આપી છે. રાહુલ ગાંધીએ કહ્યું, ’મોદીજીની દુનિયામાં સત્ય ભૂંસી શકાય છે પરંતુ વાસ્તવિક્તામાં સત્યને ભૂંસી શકાતું નથી. મેં જે કહ્યું અને મારે જે કહેવું હતું, મેં કહ્યું, એ સત્ય છે, હવે તેઓ જે ભૂંસી નાખવા માગે છે, તે ભૂંસી નાખો.