દાહોદ જીલ્લાના ઝાલોદ તાલુકાના ધાવડીયા ગામેથી પોલીસે એક ફોર વ્હીલર ગાડીમાંથી વિદેશી દારૂ તથા બીયરનો રૂા.47,040/-ના પ્રોહી જથ્થા સાથે ફોર વ્હીલર ગાડીની કિંમત મળી કુલ રૂા.2,47,040/-નો મુદ્દામાલ કબજે કર્યાનું જ્યારે પોલીસને જોઈ ગાડીનો ચાલક નાસી જવામાં સફળ રહ્યાંનું જાણવા મળે છે.
ગત તા.29મી જુનના રોજ ઝાલોદ પોલીસને મળેલ બાતમીના આધારે ધાવડીયા ગામે નાકાબંધી કરતી આવતાં જતાં તમામ નાના મોટા વાહનોની તલાસી લેતાં હતાં તે સમયે ત્યાંથી બાતમી દર્શાવેલ એક ફોર વ્હીલર ગાડી પસાર થઈ હતી. ત્યારે ગાડીના ચાલકે દુરથી પોલીસને જોઈ પોતાના કબજાની ફોર વ્હીલર ગાડી સ્થળ પર મુકી નાસી જતાં પોલીસે ફોર વ્હીલર ગાડીની તલાસી લેતાં તેમાંથી વિદેશી દારૂ તથા બીયરની કુલ બોટલો નંગ.288 કિંમત રૂા.47,040ના પ્રોહી જથ્થા સાથે ગાડીની કિંમત મળી કુલ રૂા.2,47,040નો મુદ્દામાલ કબજે કરી આ સંબંધે ઝાલોદ પોલીસે પ્રોહીબીશનનો ગુનો નોંધી આગળની કાયદેસરની કાર્યવાહી હાથ ધરી છે.