અમદાવાદ,
ગુજરાત વિધાનસભા ચૂંટણી ૨૦૨૨માં તમામ રાજકીય પક્ષો જોરશોરથી પ્રચાર પ્રસારમાં વ્યસ્ત છે. ત્યારે એઆઇએમઆઇએમના વડા અસદુદ્દીન ઓવૈસી તાજેતરમાં ગુજરાતના પ્રવાસે છે. આ દરમિયાન અસદુદ્દીન ઓવૈસીનું એક મોટું નિવેદન ચર્ચાનું વિષય બન્યું છે. અસદુદ્દીન ઓવૈસીએ કહ્યું છે કે જમાલપુરમાં બંધ ફેક્ટરી ખોલવા માટે જો સાબીર કાબુલીવાલા અને હું પીએમ મોદીની કારની સામે સૂવું પડશે તો તેઓ સૂઈ જઈશું.
જણાવી દઈએ કે એઆઇએમઆઇએમ ચીફ અસદુદ્દીન ઓવૈસી સરકાર પાસે જમાલપુરમાં બંધ ફેક્ટરી ખોલવાની માંગ કરી રહ્યા છે. ઓવૈસીએ વધુમાં કહ્યું કે, બિલ્કીસ બાનો પર બળાત્કાર કરનારને સંસ્કારી કહેવામાં આવી રહ્યા છે. મોરબીમાં ૧૫૦ લોકોના મોત થયા, તેમ છતાં હજુ પણ સરકાર તે કેસને હાથ લગાવતી નથી. તેમણે આગળ કહ્યું કે એક છોટા રિચાર્જ આપ છે જે બિલ્કીસ બાનો પર ક્યારેય બોલતા નથી. યુસીસી પર પણ બોલતો નથી.
કોંગ્રેસ પર પ્રહાર કરતા ઓવૈસીએ કહ્યું કે કોંગ્રેસ પોતાને વેચવા અને ખરીદવામાં માહેર છે. કોંગ્રેસે અમારા એક ઉમેદવારને ૨૦ લાખમાં ખરીદ્યો. હૈદરાબાદથી રાહુલ ગાંધીને લડાવો, હું તેમની ડિપોઝીટ પણ જપ્ત કરી લઈશ. કોંગ્રેસનો વિનાશ શરૂ થઈ ચૂક્યો છે. તમે ૨૭ વર્ષથી ભાજપમાં જોડાઈને તેમને સફળ બનાવ્યા છે. ૨૦૨૪માં કોંગ્રેસને માત્ર ૨૪ સીટો મળશે.
નોંધપાત્ર વાત એ છે કે,અસદુદ્દીન ઓવૈસી ભાજપ, કોંગ્રેસ અને આપ પર સતત હુમલા કરતા રહે છે. ઓવૈસી સતત મોરબી બ્રિજ અકસ્માત અને બિલ્કીસ બાનોનો મુદ્દો ઉઠાવી રહ્યા છે. અસદુદ્દીન ઓવૈસીને આશા છે કે તેમની પાર્ટી છએઆઇએમઆઇએમ ગુજરાત વિધાનસભાની ચૂંટણીમાં સારો દેખાવ કરશે.
ઉલ્લેખનીય છે કે, ગુજરાતમાં ૧૮૨ ધારાસભ્યોવાળી વિધાનસભાની ચૂંટણી બે તબક્કામાં યોજાશે. ગુજરાત વિધાનસભાની ચૂંટણી માટે ૧ અને ૫ ડિસેમ્બરે મતદાન થશે. સાથે જ ૮મી ડિસેમ્બરે મતગણતરી કરવામાં આવશે.