અમદાવાદના નારોલ સર્કલ પાસેથી એક યુવકને એમડી ડ્રગ્સ સાથે ઝડપી લેવામાં આવ્યો છે. મય પ્રદેશના રતલામનો યુવક ગજન ઉર્ફે શાલુ ખાનને પોલીસે ઝડપી લીધો છે. સ્પેશિયલ ઓપરેશન ગૃપની ટીમે બાતમી આધારે શાલુ ખાનને ઝડપી લઈને તપાસ શરુ કરી છે.
એસીપી એનએલ દેસાઈએ જણાવ્યું હતુ કે, આરોપી શાલુ ખાન પાસેથી ૫૩ ગ્રામ જેટલો ડ્રગ્સનો જથ્થો ઝડપાયો છે. શાલુ ખાન રતલામથી પોતાની સાથે આ જથ્થો લઈને આવતો હતો. ત્યાર બાદ તે છૂટક પડીકી બનાવીને વેચાણ કરતો હતો. રતલામમાં તેને ડ્રગ્સનો જથ્થો અબરાર ખાન કરીને શખ્શ આપતો હતો. આમ પોલીસે હવે મય પ્રદેશ સુધી તપાસ હાથ ધરીને અન્ય આરોપીઓને પણ ઝડપી લેવા માટે તજવીજ હાથ ધરી છે.