કાલોલ, કાલોલના રાવળ ફળીયાની પાછળ ખુલ્લી જગ્યામાં કેટલાક ઈસમો પાના-પત્તાનો જુગાર રમતા હોય તેવી બાતમીના આધારે પોલીસે રેઈડ કરી પાંચ જુગારીયાઓને 1790/-રૂપીયાના મુદ્દામાલ સાથે ઝડપી પાડવામાં આવ્યા.
પ્રાપ્ત વિગતો મુજબ કાલોલ રાવળ ફળીયાની પાછળ ખુલ્લી જગ્યામાં કેટલાક ઈસમો જુગાર રમી રહ્યા છે. તેવી બાતમીના આધારે પોલીસે રેઈડ કરી હતી. રેઈડ દરમિયાન સુનિલ મહાવીરસિંહ સિંધ, સંજય ગીરીશભાઇ રાવળ, અરવિંદ ગોવિંદભાઇ રાવળ, પીન્ટુભાઇ નાનાભાઇ રાવળ, સંજય નટવરભાઇ રાવળને ઝડપી પાડવામાં આવ્યા હતા. ઝડપાયેલ ઈસમોની અંગઝડતી અને દાવ ઉપર મુકેલ 1790/-રૂપીયા જપ્ત કરી આ બાબતે કાલોલ પોલીસ મથકે જુગારધારા હેઠળ ફરિયાદ નોંધાવા પામી છે.