ખેડા,ખેડા જિલ્લામાં આગામી તા. 26 જૂન 2024ના રોજ સંબધિત મામલતદાર કચેરી ખાતે સવારે 11:00 કલાકે તાલુકા સ્વાગત કાર્યક્રમ યોજાશે. જેમાં સ્વાગત કાર્યક્રમના સુચારુ સંચાલન માટે લાયઝન અધિકારીઓની નિમણુક કરવામાં આવી છે. જેમાં, જિલ્લા કલેક્ટર અમિત પ્રકાશ યાદવની અધ્યક્ષતામા વસો મામલતદાર કચેરી ખાતે, જિલ્લા વિકાસ અધિકારીની અધ્યક્ષતામાં કપડવંજ ખાતે, પોલીસ અધિક્ષકની અધ્યક્ષતામાં નડિયાદ ખાતે, જિલ્લા ગ્રામ વિકાસ એજન્સી, નિયામકની અધ્યક્ષતામાં કઠલાલ ખાતે, નાયબ વન સંરક્ષકની અધ્યક્ષતમાં મહુધા ખાતે, નાયબ કલેક્ટર જ.સુ અને અપીલની અધ્યક્ષતામાં ખેડા ખાતે, પ્રાંત અધિકારી ખેડાની અધ્યક્ષતામાં મહેમદાવાદ ખાતે, જિલ્લા પુરવઠા અધિકારીની અધ્યક્ષતામાં માતર ખાતે, જિલ્લા આયોજન અધિકારીની અધ્યક્ષતામાં ઠાસરા ખાતે અને નાયબ કલેક્ટર સ્ટેમ્પ ડ્યુટીની અધ્યક્ષતામા ગળતેશ્વર મામલતદાર કચેરી ખાતે તાલુકા સ્વાગત કાર્યક્રમ યોજાશે.
તાલુકા સ્વાગત કાર્યક્રમમાં અગાઉ સંબધિત કચેરીએ પોતાની રજૂઆત/ફરીયાદ કરી હોય અને નિરાકરણ આવેલ ન હોય તેવા પ્રશ્નો રજૂ કરવા જણાવેલ છે. આ કાર્યક્રમમાં ન્યાયિક તુલ્ય બાબતો, કોર્ટ મેટર, સ્ટે (મનાઈ હુકમ), અપીલ, માહિતિ અધિકાર અધિનિયમ, આકરણીને લગતા પ્રશ્નો તેમજ નોકરી, પેન્શન, રહેમરાહે નોકરીને લગતી બાબતોનો સમાવેશ કરવામાં આવશે નહિ એમ નિવાસી અધિક કલેક્ટર દ્વારા જણાવવામાં આવેલ છે.