કાલોલ તાલુકાના ગેગડીયા ચોકડી પાસે ટાટા કંપની અલ્ટ્રોઝ ગાડીમાં લઈ જવાતો ઇંગ્લીશ દારૂ કિ.રૂ.26,400/-, મોબાઈલ ફોન, ગાડી મળી કુલ રૂ.5,33,800/-નો મુદ્દામાલ સાથે એક ઈસમને વેજલપુર પોલીસે ઝડપ્યો હતો.
પ્રાપ્ત માહિતી અનુસાર કાલોલ તાલુકાના ગેગડીયા ચોકડી પાસે વેજલપુર પોલીસ પેટ્રોલિંગમાં હતી દરમિયાન અલ્ટ્રોજ ગાડ નં.જીજે-20-એએસ-5753ના ચાલક આરોપી કેતનભાઈ ઉર્ફે અતુલ બચુભાઈ પરમાર(રહે.રવેરી, તા.ઘોઘંબા)ને ઝડપી પાડવામાં આવ્યો હતો. અને ગાડીની તપાસ કરવામાં આવતા તેમાંથી ઈંગ્લીશ દારૂ કાચના કવાટરીયા નંગ-114, બિયર ટીન નંગ-96 કિ.રૂ.26,400/-અને મોબાઈલ ફોન તેમજ ગાડી મળી કુલ રૂ.5,33,800/-ના મુદ્દામાલ કબ્જે લેવામાં આવ્યો હતો. આ બાબતે વેજલપુર પોલીસ મથકે દારૂ સાથે પકડાયેલ આરોપી તેમજ દારૂનો જથ્થો ભરી આપનાર અજય ઉર્ફે ઢોલો મનહરસિંહ સોલંકી વિરુદ્ધ પ્રોહિબિશન એકટ હેઠળ ગુનો નોંધી કાયદેસરની કાર્યવાહી હાથ ધરવામાં આવી હતી.