સરસપુરમાં શારદાબેન હોસ્પિટલની પાછળ અને ચામુડા સ્મશાનગૃહની સામે કેટલાક શખ્સો જુગાર રમતા હોવાની માહિતી સ્ટેટ મોનિટરિંગ સેલ (એસએમસી)ના અધિકારીઓને મળી હતી. જેને આધારે પોલીસે અહીં દરોડો પાડીને જુગાર રમતા ૨૧ શખ્સોની ધરપકડ કરી હતી. તેમની પાસેતી પોલીસે રોકડ રકમ અને વાહનો મળીને ૩.૭૦ લાખનો મુદ્દામાલ કબજે કર્યો હતો.
પોલીસે જુગાર રમતા મુખ્ય આરોપી જફારખાન અનવરખાન પઠાણ સહિત ૨૧ આરોપીઓને ઝડપી લીધા હતા. પોલીસે તેમની પાસેથી રૂ.૭૨,૫૬૦ રોકડા, ૧૩ મોબાઈલ, પાંચ વાહનો, ગંજીપાના વગેરે મળીને રૂ.૩,૭૦,૨૬૦ નો મુદ્દામાલ કબજે કર્યો હતો. તમામ આરોપીઓને વધુ તપાસ માટે શહેરકોટડા પોલીસ સ્ટેશનને સોંપવામાં આવ્યા હતા.