લોક્સભા ચૂંટણીના પરિણામોમાં કોંગ્રેસને ૯૯ બેઠકો મળી છે. ૨૦૧૪માં ૫૨ અને પછી ૨૦૧૯ની સામાન્ય ચૂંટણીમાં માત્ર ૫૨ બેઠકો મેળવનાર કોંગ્રેસ આ પરિણામને મોટી સફળતા માની રહી છે. પાર્ટી આનાથી ખૂબ જ ઉત્સાહિત છે અને સરકાર બનાવવાના સપના પણ જોઈ રહી છે. કોંગ્રેસ પક્ષે હવે ૮મી જૂને પોતાની વર્કિંગ કમિટીની બેઠક બોલાવી છે. આમાં પરિણામોની ચર્ચા કરવામાં આવશે અને સરકાર બનાવવાના પ્રયાસો કરવા જોઈએ કે નહીં તે અંગે વિચાર વિમર્શ કરાશે.
સૂત્રોનું કહેવું છે કે બેઠકમાં લોક્સભામાં સંતોષકારક પ્રદર્શન માટે પાર્ટીના નેતૃત્વની પ્રશંસા કરતો ઠરાવ પસાર કરવામાં આવી શકે છે. કોંગ્રેસમાં આ પરિણામને લઈને ઉત્તેજના છે અને ખાસ કરીને રાહુલ ગાંધીને આનો શ્રેય આપવામાં આવી રહ્યો છે. ચૂંટણી પરિણામો પછી તરત જ યોજાયેલી પ્રેસ કોન્ફરન્સમાં પાર્ટી અધ્યક્ષ મલ્લિકાર્જુન ખડગેએ કહ્યું હતું કે રાહુલ ગાંધીએ દેશભરમાં બે પ્રવાસો કર્યા હતા. જેમાં લાખો લોકો પાર્ટી સાથે જોડાયા હતા. તેમણે સમગ્ર દેશમાં પ્રવાસ કર્યો હતો. કોંગ્રેસ પક્ષને પણ આનો ફાયદો ચૂંટણીમાં સારા પરિણામોના રૂપમાં મળ્યો છે.
જણાવી દઈએ કે એનડીએને સ્પષ્ટ બહુમતી મળી હોવા છતાં કોંગ્રેસ ઉત્સાહિત છે કે ભાજપ ૨૭૨ સીટોના આંકડાથી ૩૨ સીટો દૂર છે. કોંગ્રેસની સાથે ઈન્ડિયા એલાયન્સમાં સામેલ આરજેડી જેવા પક્ષોને લાગે છે કે જો એનડીએ સાથે ગઠબંધન બગડે તો તેઓ પણ સરકાર બનાવી શકે છે. કોંગ્રેસના પવન ખેડા અને આરજેડીના તેજસ્વી યાદવે પણ કહ્યું હતું કે અમે સરકાર બનાવવા માટે તમામ શક્ય પ્રયાસો કરીશું. હવે તમારા લોકોએ હાલ પૂરતી રાહ જોવી જોઈએ. ઉલ્લેખનીય છે કે ૧૦ વર્ષ બાદ પ્રથમ વખત કોંગ્રેસ સહિત સમગ્ર વિપક્ષને આટલી બેઠકો મળી છે.