અનુપમ ખેરે એકવાર નહીં પરંતુ ઘણી વખત ભાજપના સમર્થનમાં પોસ્ટ શેર કરી છે. લોક્સભા ચૂંટણીના પરિણામોમાં ઉત્તર પ્રદેશની ૮૦ સીટો પર જોવા મળેલા ફેરફારોથી બોલીવુડ કલાકારો પણ આશ્ર્ચર્યચક્તિ છે. અનુપમ ખેર બીજેપી અને ખાસ કરીને વડાપ્રધાન નરેન્દ્ર મોદીના મોટા સમર્થક રહ્યા છે અને આ વાત કોઈનાથી છુપી નથી.
અનુપમ ખેરે એકવાર નહીં પરંતુ ઘણી વખત ભાજપના સમર્થનમાં પોસ્ટ શેર કરી છે. લોક્સભા ચૂંટણીના પરિણામોમાં ઉત્તર પ્રદેશની ૮૦ સીટો પર જોવા મળેલા ફેરફારોથી બોલીવુડ કલાકારો પણ આશ્ચર્યચકિત છે. આ દરમિયાન તેણે એક પોસ્ટ શેર કરી છે, જેમાં તેણે ઈમાનદારી અને સત્ય વિશે પોતાના વિચારો વ્યક્ત કર્યા છે.
તેમણે લખ્યું- ‘ક્યારેક મને લાગે છે કે એક ઈમાનદાર વ્યક્તિ વધારે ઈમાનદાર ન હોવો જોઈએ. જંગલમાં, સીધા થડવાળા વૃક્ષો પહેલા કાપવામાં આવે છે. સૌથી પ્રામાણિક વ્યક્તિએ સૌથી વધુ સહન કરવું પડે છે. પરંતુ તેમ છતાં તે પોતાની પ્રામાણિક્તા છોડતો નથી. તેથી તે કરોડો લોકો માટે પ્રેરણા સ્ત્રોત બને છે. આ પોસ્ટ શેર કરતી વખતે અનુપમ ખેરે કેપ્શનમાં લખ્યું ‘સત્ય’
અનુપમ ખેરના ચાહકો હવે તેમની પોસ્ટને લોક્સભા ચૂંટણીના પરિણામો સાથે જોડી રહ્યા છે. ચાહકોને લાગે છે કે પીઢ અભિનેતાએ આ પોસ્ટ વડાપ્રધાન નરેન્દ્ર મોદી માટે લખી છે, જેના દ્વારા તેમણે પીએમ મોદીને ઈમાનદાર વ્યક્તિ ગણાવીને સમર્થન આપ્યું છે. ભાજપે ફૈઝાબાદ બેઠક ભલે ગુમાવી હોય, પરંતુ ભાજપ અને તેના સહયોગી એનડીએએ ઘણી બેઠકો જીતી છે. જેમાં વારાણસીમાં વડાપ્રધાન નરેન્દ્ર મોદીનું શાનદાર પ્રદર્શન, અરુણ ગોવિલનું મેરઠ અને કંગના રનૌતનું મંડીમાં શાનદાર પ્રદર્શનનો સમાવેશ થાય છે.
આ પહેલા અનુપમ ખેરે કંગના રનૌતની જીત પર ખુશી વ્યક્ત કરી હતી અને અભિનેત્રીને અભિનંદન પાઠવ્યા હતા. તેણે કંગના માટે એક પોસ્ટ પણ શેર કરી હતી, જેમાં તેણે લખ્યું હતું ‘આ મોટી જીત માટે ખૂબ ખૂબ અભિનંદન પ્રિય કંગના. તમે રોકસ્ટાર છો. તમારી મુલાકાત ખૂબ જ પ્રભાવશાળી રહી છે. હું તમારા અને મંડીના લોકો માટે ખૂબ જ ખુશ છું. તમે ફરી એકવાર સાબિત કરી દીધું છે કે જો તમે તમારા કામ પર ધ્યાન કેન્દ્રિત કરો અને સખત મહેનત કરો તો કંઈપણ શક્ય છે. વિજયી બનો.’ બીજી તરફ કંગનાએ પણ જીત બાદ સર્ટિફિકેટ બતાવીને પોતાની જીત અને ખુશી વ્યક્ત કરી હતી.