લોક્સભા ચૂંટણી ૨૦૨૪ના પરિણામો આવી ગયા છે અને આ વખતે પરિણામોએ એક્ઝિટ પોલને સંપૂર્ણપણે ખોટા સાબિત કરી દીધા છે. આવી સ્થિતિમાં, પરિણામોએ ઘણા લોકોને આશ્ર્ચર્યચક્તિ કર્યા. રામાયણમાં લક્ષ્મણનું પાત્ર ભજવનાર સુનીલ લાહિરી પણ આ પરિણામો જોઈને ખૂબ જ આશ્ચર્યચકિત થઈ ગયા છે. જ્યારે ભાજપની આગેવાની હેઠળના એનડીએને ૨૯૨ બેઠકો મળી હતી, જ્યારે કોંગ્રેસની આગેવાની હેઠળના ઇન્ડિયા ગઠબંધનને ૨૩૪ બેઠકો મળી હતી. પરંતુ કોઈ એક પક્ષ પાસે સ્પષ્ટ બહુમતી નથી અને આગામી ૫ વર્ષ સુધી દેશમાં ગઠબંધન સરકાર હશે. સુનીલ લાહિરીએ આ અંગે ચિંતા વ્યક્ત કરી છે.
સુનીલ લાહિરીએ તેમની તાજેતરની ઇન્સ્ટાગ્રામ પોસ્ટમાં ગઠબંધન સરકાર સામે ચિંતા વ્યક્ત કરી હતી. તેણે એક વીડિયો શેર કર્યો છે, જેમાં તે કહી રહ્યા છે કે આ વખતની લોક્સભા ચૂંટણીના પરિણામો જોઈને હું ખૂબ જ આશ્ર્ચર્યચક્તિ છું. એટલા માટે હું કહેતો હતો કે વોટ કરો, વોટ આપો પણ લોકોએ સાંભળ્યું નહીં. હવે શું આ ગઠબંધન સરકાર ૫ વર્ષ યોગ્ય રીતે ચલાવી શકશે?
જો કે, સુનીલે કહ્યું કે તે તેના બે ફેવરિટની જીતથી ખૂબ જ ખુશ છે. સુનીલ કહે છે, જોકે પરિણામો નિરાશાજનક છે, પરંતુ હું ખુશ છું કે મારી નજીકના બે લોકો જીત્યા છે. એક, કંગના રનૌત હિમાચલ પ્રદેશના મંડીમાંથી જીતી હતી, જેને સુનીલે સિંહણ ગણાવી હતી. બીજું, મેરઠથી અરુણ ગોવિલની જીત અંગે સુનિલે કહ્યું કે મારા મોટા ભાઈ જેવા અરુણ ગોવિલની જીત થઈ છે, જેના માટે હું ખૂબ જ ખુશ છું.