આજે 05, જૂન 2024 અન્વયે વિશ્વભરમાં અવર લેન્ડ, અવર ફ્યુચરના નારા સાથે પર્યાવરણ દિવસની ઉજવણી અંતર્ગત અનેકવિધ કાર્યક્રમો કરવામાં આવી રહ્યા છે. ત્યારે ખેડા જીલ્લામાં નડિયાદ નગરપાલિકા દ્વારા બેન્ક ઓફ બરોડા, કોકરણ મંદિર શાખાનાં સહયોગ થી દાવલીયાપુરા ખાતે આવેલ અક્ષરબાગમાં વૃક્ષારોપણ કરવામાં આવ્યુ હતુ. જેમા બારમાસી, કરણ, ગુલમહોર સહિત 20 થી વધુ વૃક્ષો રોપવામાં આવ્યા હતા.
આ પ્રંસગે નગરપાલિકા ચીફ ઓફીસર રૂદ્રેશ હૂદડ, કોકરણ મંદિર શાખા, બેન્ક ઓફ બરોડાનાં અધિકારીઓ, કર્મચારીઓ અને વૃક્ષપ્રેમી નગરજનો સહિત 50 જેટલા લોકોએ કાર્યક્રમમાં ઉત્સાહપુર્વક ભાગ લીધો હતો.