કાલોલ,કાલોલ તાલુકાના વણકર સમાજ(મહાજન)ના કાર્યક્રમના ઉદ્દઘાટક પ્રો.ડો.જગદીશભાઈ સોલંકી એમ એસ યુનિ. ડીન અને જે.એન.પરમાર નાયબ નિયામક.કે.પી.વાઘેલા, લેબર ઓફિસર મિતેષ મેવલીયા, જયેશ બાકરોલાના ઉપસ્થિતીમાં બુદ્ધ વંદના કરી કાર્યક્રમનો પ્રારંભ કર્યો હતો. જેમાં વી.ડી.પરમાર અને પ્રદીપ પ્રિયદર્શી ખાસ હાજર રહ્યાં હતા. જેમાં 109 ગામના વડોદરા અને પંચમહાલ જીલ્લામાં આવેલા વિવિધ ગામોમાં થી 140 જેટલા ધો 10 ધો 12 અને કોલેજમાં ઉચ્ચ અભ્યાસ પુર્ણ કરેલ વિવિધ વિષયના પારંગત વિદ્યાર્થીઓ અને ડોકટરી લાઈન, કાયદો વિગેરે જેવી સિદ્ધિ પ્રાપ્ત કરનારને ટ્રોફી, પુસ્તક, પ્રમાણપત્ર અને ફાઈલ આપી સન્માનિત કરવામાં આવ્યા હતા.
વધુમાં આ બન્ને મહાનુભાવોએ શિક્ષણ વિભાગને લાગતી તમામ પ્રકારની માહિતી પુરવાર કરી વિદ્યાર્થીઓને મદદરૂપ થવાની વાત કરી હતી. આ તબ્બકે કિરીટભાઈ પરમાર પી. આઈ, ઘનશ્યામભાઈ એલ.સી.બી વિભાગ, મહિલા આગેવાન કાજલ પરમાર, મેઘા ડાભી, મહેન્દ્રભાઈ વકીલ, મનહરભાઈ વકીલ, અશ્વિન ભાઈ, જગદીશ ખાખરાવાળા સહિત ઉપસ્થિત રહી કાર્યક્ર્મને શોભાવ્યો હતો. આ તબ્બકે કાર્યક્રમનું સફળ સંચાલન કવિ વિજય વણકર પ્રીત અને પ્રો. કમલેશભાઈ, ધીરજ વાધેલા એ કરી કાર્યક્ર્મ ને સફળ બનાવ્યો હતો. આ તબ્બકે સમાજ ના સાતસો થી વધુ વાલીઓ અને વિદ્યાર્થીઓ હાજર રહ્યા હતા અને અંતે સૌ સાથે ભોજન લઈ છુટા પડ્યા હતા. જેમાં ભવિષ્યના આયોજનમાં વિદ્યાર્થીઓને પ્રેરણા મળે એ હેતુથી કાર્યક્ર્મ સાર્થક નીવડ્યો હતો.