- રાજ્ય તથા રાષ્ટ્રીય સ્તરે સ્કીલ કોમ્પીટીશનમાં ઉત્કૃષ્ટ દેખાવ બદલ સન્માન કરવામાં આવ્યું.
નડિયાદ, ખેડા જીલ્લાની આઈટીઆઈ પલાણા ખાતે રેફ્રીજરેશન એન્ડ એરકંડીશનીંગ વ્યવસાયમાં અભ્યાસ કરી રહેલ તાલીમાર્થી ગુલામમુસ્તુફા મોહમ્મદહનીફ મોમિને રાજ્ય લેવલે યોજાયેલ સ્કીલ કોમ્પિટિશનમાં પ્રથમ નંબર અને નેશનલ સ્કીલ કોમ્પિટિશનમાં ચોથો ક્રમ પ્રાપ્ત કરી જીલ્લાનું નામ રોશન કર્યું છે. જે અન્વયે જીલ્લા કલેક્ટર અમિત પ્રકાશ યાદવે જીલ્લા કલેક્ટર કચેરી ખાતે ગુલામમુસ્તુફા મોહમ્મદહનીફ મોમિનને ઉત્કૃષ્ટ પ્રદર્શન બદલ બિરદાવ્યા હતા અને ભવિષ્યમાં યશસ્વી કારકીર્દી માટે શુભેચ્છાઓ આપી હતી.
આ પ્રસંગે આઇટીઆઇ પલાણાના આચાર્ય કે. એચ. સોની, ટ્રેડ ઇન્સ્પેકટર ચિરાગ મેકવાન સહિત આઇટીઆઇ પલાણાના સ્ટાફે પણ ઉપસ્થિતિ રહી મોમીનની આ સિદ્ધિને બિરદાવી શુભેચ્છા પાઠવી હતી.