નવીદિલ્હી,
ભૂતપૂર્વ નાયબ વડા પ્રધાન અને ભાજપના પૂર્વ રાષ્ટ્રીય પ્રમુખ વડા લાલકૃષ્ણ અડવાણી આગામી ગુજરાત ચૂંટણીમાં અમદાવાદમાં મતદાન કરશે નહીં, આમ જમાલપુર-ખાડિયા મતવિસ્તારમાં મતદાર તરીકેના તેમના ત્રણ દાયકાના સંબંધનો અંત આવશે.
અડવાણીએ પંડિત દીનદયાળ ભવન, જેપી ચોક ખાતેના ભાજપના જૂના કાર્યાલયમાંથી મતદાર તરીકે નોંધણી કરાવી હતી અને ખાનપુરની શાહપુર હિન્દી હાઈસ્કૂલમાં પોતાનો મત આપ્યો હતો.
અડવાણીએ છેલ્લે મે ૨૦૧૯માં અમદાવાદમાં લોક્સભા ચૂંટણીમાં મતદાન કર્યું હતું. ૧૯૯૧ની લોક્સભાની ચૂંટણીમાં અડવાણીએ નવી દિલ્હી અને ગાંધીનગરથી ચૂંટણી લડી હતી. ગાંધીનગરથી તેઓ શાનદાર માજનથી જીત્યા હતા. તેઓ સાંસદ તરીકે ગુજરાતનું પ્રતિનિધિત્વ કરવા લાગ્યા. મતદાર યાદી પર અડવાણીનું સત્તાવાર સરનામું હવે અટલ આદર્શ વિદ્યાલય, નવી દિલ્હી તરીકે દર્શાવવામાં આવ્યું છે.
૧૯૯૧માં, અડવાણી પહેલીવાર લોક્સભાની ચૂંટણીમાં બે બેઠકો પરથી લડ્યા હતા, કારણ કે તેમને ભાજપના વડાપ્રધાન પદના ઉમેદવાર તરીકે રજૂ કરવામાં આવી રહ્યા હતા. નવી દિલ્હીમાં, તેમણે કોંગ્રેસના ઉમેદવાર અને બોલિવૂડ સુપરસ્ટાર રાજેશ ખન્ના સામે સખત સ્પર્ધાનો સામનો કર્યો અને ખન્નાને માત્ર ૧,૫૮૯ મતોના માજનથી હરાવ્યા. જોકે ગાંધીનગરમાં અડવાણી ૧.૨૫ લાખ મતોના મોટા માજનથી જીત્યા હતા.
અડવાણીએ નવી દિલ્હી મતવિસ્તારમાંથી રાજીનામું આપ્યું અને પછી રાજેશ ખન્નાએ નવી દિલ્હી પેટાચૂંટણી જીતી. સુપરસ્ટાર ૧૯૯૬માં ગાંધીનગર લોક્સભા બેઠકની પેટાચૂંટણીમાં અડવાણી સામે લડવા માટે પાછો ફર્યો હતો જ્યારે એ બી વાજપેયી, જે તે સમયે ભાજપના વડાપ્રધાન પદના ઉમેદવાર હતા, તેમણે તે બેઠક પરથી રાજીનામું આપ્યું હતું. રાજેશ ખન્નાને લાગ્યું કે અડવાણી ગાંધીનગર પેટાચૂંટણીમાં ઊભા રહેશે. પરંતુ અડવાણીએ જૈન હવાલા ડાયરી કેસને પગલે ચૂંટણી લડી ન હતી.
જો કે, ૧૯૯૮ માં, અડવાણી ગાંધીનગરથી જીત્યા અને ત્યારથી ૨૦૧૯ સુધી મતદારક્ષેત્રનું પ્રતિનિધિત્વ કર્યું જ્યારે રાષ્ટ્રીય ભાજપના અયક્ષ, અમિત શાહ ગાંધીનગરથી મેદાનમાં આવ્યા અને જીત્યા હતા.