જાંબુઘોડા, જાંબુઘોડા તાલુકાના ખોડસલ ગામે રોડ ઉપર પોલીસ વાહન ચેકિંગમાં હોય દરમિયાન રોડ ઉપર આવતા સુપર કેરી ડાલાનો ચાલક પોલીસ ચેકિંગ જોઈને વાહન છોડી નાસી છુટ્યો હતો. પોલીસના ચેકિંગ દરમિયાન ઈંગ્લીશ દારૂ અને બિયર ટીન મળી 67,610/-રૂ.દારૂનો જથ્થો તેમજ ગાડી સહિત રૂ.2,17,610/-નો મુદ્દામાલ કબ્જે લેવામાં આવ્યો હતો.
પ્રાપ્ત માહિતી અનુસાર જાંબુઘોડા પોલીસ ખોડસલ ગામે રોડ ઉપર પેટ્રોલિંગ અને વાહન ચેકિંગમાં હોય ત્યારે રોડ ઉપરથી આવતી સુઝુકી કંપનીની સુપર કેટી ડાલા નં.જીજીે-34-ટી-2577નો ચાલક દુરથી પોલીસનુ વાહન દેખી પોતાનુ ડાલુ સ્થળ ઉપર મુકી નાસી છુટ્યો હતો. પોલીસે ડાલામાં ચેકિંગ કરતા તેમાંથી ઈંગ્લીશ દારૂ ગોવા વ્હિસ્કિ બોટલ નંગ-127 કિ.રૂ.59,690/-, સ્ટોસ બિયર ટીન નંગ-72 મળી કુલ કિ.રૂ.68,610/-તેમજ ગાડી મળી 2,17,610/-રૂપિયાનો મુદ્દામાલ ઝડપી પાડવામાં આવ્યો હતો. આ બાબતે જાંબુઘોડા પોલીસ મથકે પ્રોહિબિશન એકટ હેઠળ ફરિયાદ નોંધાવવા પામી છે.