અબુધાબી, સંયુક્ત આરબ અમીરાત (યુએઈ) એ પાકિસ્તાનમાં ૧૦ અબજ ડોલરના રોકાણની જાહેરાત કરી છે.અબુ ધાબીમાં યુએઈ પ્રમુખ મોહમ્મદ બિન ઝાયેદ અલ નાહયાન અને પાકિસ્તાનના વડા પ્રધાન મુહમ્મદ શાહબાઝ શરીફ વચ્ચે ગોળમેજી પરિષદ ’ઇનોવેટ ટુગેધર: યુએઈ-પાકિસ્તાન ટેક કોલાબોરેશન’ પછી જારી કરાયેલા નિવેદનમાં આ માહિતી આપવામાં આવી હતી. બેઠકમાં બંને નેતાઓએ પાકિસ્તાનની અર્થવ્યવસ્થાને મજબૂત કરવા અને દ્વિપક્ષીય સહયોગને મજબૂત કરવા પર સહમતિ દર્શાવી હતી. આ પ્રસંગે બોલતા, શ્રી શરીફે દ્વિપક્ષીય સહયોગ અને સંયુક્ત સાહસોની સ્થાપના દ્વારા પાકિસ્તાનની અર્થવ્યવસ્થાને સંપૂર્ણ રીતે બદલવાનો તેમની સરકારનો નિર્ધાર વ્યક્ત કર્યો હતો. તેમણે કહ્યું કે સરકાર કૃષિ પર યાન કેન્દ્રિત કરશે,
પાકિસ્તાન ખાણકામ અને ઉદ્યોગ સહિત અર્થતંત્રના વિવિધ ક્ષેત્રોમાં માહિતી ટેકનોલોજી અને કૃત્રિમ બુદ્ધિમત્તાને પ્રોત્સાહન આપવા પર સંપૂર્ણ ધ્યાન કેન્દ્રિત કરી રહ્યું છે. તેમણે કહ્યું કે દેશની કુલ વસ્તીના ૬૦ ટકા યુવાનો છે અને તેમને સશક્ત બનાવવા માટે આઇટી કૌશલ્યોનો વિકાસ જરૂરી છે. તેમણે પાકિસ્તાનની અર્થવ્યવસ્થાના ડિજિટલાઇઝેશનને પ્રોત્સાહન આપવા યુએઈ અને પાકિસ્તાની કંપનીઓ વચ્ચેના સહકારની પ્રશંસા કરી.