પંચમહાલ, હાલોલ વડોદરા હાઇવે પર અકસ્માતની ઘટના સામે આવી છે. ટ્રકે રાહદારી મહિલાને અડફેટે લેતા મહિલાનું ઘટનાસ્થળે જ મોત નીપજ્યું હતું. ત્યારે એક અન્ય અકસ્માતમાં એક ટ્રેલરે બાઇકને ટક્કર મારી, જેમાં ૧નું મોત અને ૨ લોકો ઇજાગ્રસ્ત થયા છે.હાલોલ વડોદરા હાઇવે પર આનંદપુર અને વાસેતી પાસે અકસ્માત થયો. વાસેતી ગામ પાસે ટ્રક ચાલકે રાહદારી મહિલાને અડફેટે લેતા મહિલાનું મોત થયું. જયારે અન્ય એક વ્યક્તિ ઘાયલ થતા તેને તાત્કાલિક હોસ્પિટલ ખસેડવામાં આવ્યો. ટ્રક ચાલક અકસ્માત બાદ ફરાર થઈ ગયો.
આનંદ પુરા પાસે ટ્રેલરની અડફેટમાં યુવતીનું મોત થયું. જયારે ટ્રેલર ચાલકે બાઇક સવારને અડફેટે લેતા ૨ લોકો ઈજાગ્રસ્ત થયા. આ બંને વ્યક્તિ બાઈક પર લીમખેડાથી વડોદરા જઈ રહ્યા હતા, ત્યારે ટ્રેલરની અડફેટે ચડ્યા હતા. બંને સ્થળ પર પોલીસે પહોંચીને વધુ કાર્યવાહી હાથ ધરી છે. ટ્રેલર અકસ્માતની ઘટનાના સીસીટીવી સામે આવ્યા છે.