મુંબઇ, કોલકાતા નાઈટ રાઈડર્સના કેપ્ટન શ્રેયસ અય્યરે એક ઈતિહાસ રચી નાખ્યો છે. મંગળવારે ૨૧મેએ આઈપીએલ ૨૦૨૪ની પહેલી ક્વોલિફાયર મેચ રમાઈ હતી. જે કોલકાતા નાઈટ રાઈટર્સ અને સનરાઈઝર્સ હૈદરાબાદની વચ્ચે રમાઈ. આ મેચમાં કેકેઆરે એસઆરએચને ૮ વિકેટે હરાવ્યું તેની સાથે જ કોલકાતાની ટીમ આઈપીએલ ૨૦૨૪ની ફાઈનલમાં પ્રવેશ કરવામાં સફળ થઈ ગઈ.
આ બાજુ ભારતીય બેટ્સમેન શ્રેયસ અય્યરે એક મોટો રેકોર્ડ આ લીગના ઈતિહાસમાં બનાવી દીધો છે. તે પહેલા એવા કેપ્ટન બની ગયા છે જેમણે બે ટીમોને કેપ્ટન તરીકે ફાઈનલમાં પહોંચાડી છે. શ્રેયસ અય્યરે કોલકાતા નાઈટ રાઈડર્સને ફાઈનલમાં પહોંચાડ્યા પહેલા દિલ્હી કેપિટલ્સને પણ ફાઈનલ સુધી પહોંચાડી દીધુ. જોકે ત્યાં તેમની ટીમને હાર મળી હતી. પરંતુ શું તે ટ્રોફી જીતવામાં સફળ રહેશે? તે તો આવનારી ૨૬ મેએ જ ખબર પડશે. ત્યાં જ હારના બાદ સનરાઈઝર્સ હૈદરાબાદને ક્વોલિફાયર ૨માં એલિમિનેટર મેચની વિજેતા ટીમ સામે પડવું પડશે. તેના બાદ નક્કી થશે કે કોલકાતા સામે કઈ ટીમ ફાઈનલમાં આવશે. ફાઈનલ મેચમાં કેકેઆર અને એસઆરએસ ફરીથી આમને સામને હશે. કારણ કે હૈદરાબાદની પાસે હજુ ફાઈનલમાં પહોંચવાની તક છે.
જણાવી દઈએ કે એમએસ ધોની અને રોહિત શર્માએ પાંચ-પાંચ આઈપીએલ ટ્રોફી જીતી છે. પરંતુ તેમણે એક જ ફ્રેન્ચાઈઝી માટે આમ કર્યું છે. આઈપીએલમાં શ્રેયસ એકમાત્ર કેપ્ટન છે જેમણે બે ટીમોને ફાઈનલમાં પહોંચાડી છે. જોકે ઘણા ખેલાડી એવા છે જે એકથી વધારે ટીમો માટે આઈપીએલ ફાઈનલ રમી ચુક્યા છે. પરંતુ કેપ્ટન તરીકે આ ઉપલબ્ધિ સુધી કોઈ પણ નથી પહોંચ્યું.
શ્રેયસ પાંચમાં કેપ્ટન છે જેમણે પોતાની ટીમને એકથી વધારે વખત ફાઈનલમાં પહોંચાડી છે. તેના પહેલા એમએસ ધોની, રોહિત શર્મા, ગૌતમ ગંભીર અને હાર્દિક પંડ્યા આ વસ્તુઓને અંજામ આપી ચુક્યા છે.