- કંગના પોતે મોદીના નામ પર વોટ માંગી રહી છે. એસપીયુ મંડી રાજકીય વિચારધારાનો અખાડો બની ગયો છે
શિમલા, હિમાચલ પ્રદેશના મંડીથી કોંગ્રેસના ઉમેદવાર વિક્રમાદિત્ય સિંહે બીજેપી ઉમેદવાર કંગના રનૌત પર નિશાન સાધ્યું છે. મંડીએ આયોજિત પ્રેસ કોન્ફરન્સમાં કહ્યું કે કંગના પોતે મોદીના નામ પર વોટ માંગી રહી છે. એસપીયુ મંડી રાજકીય વિચારધારાનો અખાડો બની ગયો છે. ભાજપે રાજકીય ઉપયોગ માટે કામ કર્યું. એસપીયુએ યોગ્ય દિશામાં આગળ વધવું જોઈએ. તેનો રાજકીય ઉપયોગ દુર્ભાગ્યપૂર્ણ છે.
વિક્રમાદિત્ય સિંહે કહ્યું કે મેં હમણાં જ તેને (કંગના રનૌત) અઘરા પ્રશ્ર્નો પૂછ્યા છે, પરંતુ તે હંમેશા મહિલા વિરોધી વલણ પાછળ છુપાવવાનો પ્રયાસ કરે છે. તે આ રીતે કામ કરશે નહીં. હિમાચલમાં ૧૬ લાખ દીકરીઓ છે જેણે દેશનું ગૌરવ વધાર્યું છે. તેણે કહ્યું કે હિમાચલ પ્રદેશમાં તેનો મનોરંજનનો સમય હવે પૂરો થઈ ગયો છે. તેણે એટલા બધા નિવેદનો આપ્યા છે કે જેને સાંભળીને લોકો હસવાનું રોકી શક્તા નથી. તે કોમેડિયન કપિલ શર્માને સારી સ્પર્ધા આપી રહી છે. મને લાગે છે કે તેણે ૪ જૂન પછી મુંબઈ પાછી જઈને ફિલ્મો કરવી જોઈએ અથવા કોમેડી શો શરૂ કરવો જોઈએ.
વિક્રમાદિત્ય સિંહે કહ્યું કે કેપ્ટન વિક્રમ બત્રા હોય કે સૌરભ કાલિયા, જે રીતે તેઓએ દેશ અને હિમાચલ માટે પોતાના જીવનનું બલિદાન આપ્યું છે, હવે સમય આવી ગયો છે કે સેનામાં રાજ્યનું અલગ પ્રતિનિધિત્વ હોવું જોઈએ. હું લોક્સભામાં આ મુદ્દો ગંભીરતાથી ઉઠાવીશ કે ભારતીય સેનામાં હિમાચલ પ્રદેશમાંથી એક રેજિમેન્ટ હોવી જોઈએ. હું જાણું છું કે સંરક્ષણ ક્ષેત્રે રાજ્યોને મહત્ત્વ આપવામાં આવતું નથી, પરંતુ પ્રાદેશિક આકાંક્ષાઓ અને તે સેવાઓમાં રાજ્યના યુવાનોના ઉચ્ચ પ્રતિનિધિત્વને ધ્યાનમાં રાખીને, હવે સમય આવી ગયો છે કે રાજ્ય માટે એક અલગ રેજિમેન્ટ હોવી જોઈએ, જેથી કરીને તે લોકો જેમણે પોતાના જીવનનું બલિદાન આપ્યું છે તેમને યોગ્ય સન્માન મળી શકે છે.
મંડી સંસદીય બેઠક પરથી કોંગ્રેસના ઉમેદવાર વિક્રમાદિત્ય સિંહનું કહેવું છે કે હિમાચલ પ્રદેશમાં કોઈ રાજકુમારો નથી અને ન તો તેઓ રાજકુમાર છે. તે હિંદુ અને રાજપૂત છે. મંડીમાં આયોજિત પ્રેસ કોન્ફરન્સ દરમિયાન પૂછવામાં આવેલા પ્રશ્ર્નના જવાબમાં તેમણે આ વાત કહી. વિક્રમાદિત્ય સિંહે કહ્યું કે આજે પૂર્વ રજવાડાઓના રાજવી પરિવારોના મોટાભાગના લોકો ભાજપનો ભાગ છે. હિમાચલ પ્રદેશમાં કુલ્લુના મહારાજા મહેશ્ર્વર સિંહ, પટિયાલાના મહારાજા, મૈસૂરના મહારાજા, જયપુરના મહારાણી અને ગ્વાલિયરના મહારાજા ભાજપમાં છે. કંગના બીના કોઈ કારણ વગર બોલી રહી છે. હિમાચલમાં કોઈ રાજકુમારો નથી.
વિક્રમાદિત્ય સિંહે કહ્યું કે આજે મંડીમાં ખોલવામાં આવેલી સરદાર પટેલ યુનિવર્સિટી માત્ર એક ખાસ વિચારધારાનો આધાર બની ગઈ છે. અહીં એક ખાસ વિચારધારાના લોકો વતી રાજનીતિ કરવામાં આવી રહી છે. અગાઉની જયરામ સરકારે માત્ર એક નાનકડા ઓરડામાં યુનિવર્સિટી ખોલી હતી, જ્યારે યુનિવર્સિટી આ રીતે ચાલતી નથી. ભાજપે આ યુનિવર્સિટીનો રાજકીય ઉપયોગ કરવાનો પૂરેપૂરો પ્રયાસ કર્યો પરંતુ તેની ઉત્તમ માળખાગત સુવિધા પર કોઈ યાન આપ્યું નહીં. તમામના સહયોગથી આ યુનિવર્સિટીને શક્ય તેટલી શ્રેષ્ઠ રીતે ચલાવવાનો અમારો પ્રયાસ છે.
વિક્રમાદિત્ય સિંહે કહ્યું કે જો તેઓ સાંસદ તરીકે ચૂંટાય છે, તો મંડી સંસદીય ક્ષેત્રની શેરીઓમાં એક પણ નિરાધાર પ્રાણી જોવા મળશે નહીં. તેઓ સરકાર, વહીવટીતંત્ર અને અન્ય સ્વૈચ્છિક સંસ્થાઓ સાથે મળીને નિરાધાર પ્રાણીઓ માટે વધુને વધુ આશ્રયસ્થાનોની જોગવાઈ કરશે જેથી આ નિરાધાર પ્રાણીઓને પણ યોગ્ય આશ્રય મળી શકે અને લોકો તેમના ભયમાંથી મુક્ત થઈ શકે. વિક્રમાદિત્ય સિંહે જણાવ્યું હતું કે આ કાર્ય સૌના સહકારથી થશે અને હિંદુ હોવાના કારણે પશુધનની યોગ્ય કાળજી લેવી અને તેમને રસ્તા પર લાચાર ન છોડી દેવાની આપણી ફરજ છે.