નવીદિલ્હી,, આમ તો સારા અલી ખાન પોતાની લવ લાઈફને લઈને ખૂબ જ ચર્ચામાં રહે છે. તેનું નામ કાર્તિક આર્યનથી લઈને ક્રિકેટર શુભમન ગિલ સાથે જોડાઈ ચુક્યું છે. આ દરમ્યાન ખબર આવી રહી છે કે, સારાએ પોતાનો હમસફર શોધી લીધો છે. તે ફટાફટ લગ્ન કરવા જઈ રહી છે.
સોશિયલ મીડિયા પ્લેટફોર્મ રેડિટ પર એક પોસ્ટ આગની માફક વાયરલ થઈ રહી છે, જેમાં દાવો કર્યો છે કે, સારા અલી ખાનની અમીર બિઝનેસમેન સાથે સગાઈ થઈ છે અને હવે તેની સાથે તે લગ્ન કરી લેશે. પોસ્ટમાં લખ્યું છે કે, સારા અલી ખાન એંગેઝમેન્ટ કરી ચુકી છે અને તે આ વર્ષે લગ્ન કરી લેશે. તે ફટાફટ શૂટિંગ ખતમ કરી દેશે. તેણે કોઈ નવી ફિલ્મ સાઈન નથી કરી. તે ફટાફટ પોતાના લગ્નની તૈયારીઓમાં લાગી જશે.
પોસ્ટમાં એવો પણ દાવો કર્યો છે કે, જે શખ્સે સારા અલી ખાન સાથે લગ્ન કરવાનો છે, તે તેને ખૂબ જ પ્રેમ કરે છે. સારા પણ ખૂબ ખુશ છે અને તેની ફેમિલીએ પણ બંનેના સંબંધને મંજૂરી આપી દીધી છે. જો કે, આ દાવાને લઈને સારા અલી ખાન અથવા તેમના પરિવાર તરફથી કોઈ રિએક્શન નથી આવ્યું.
આપને જણાવી દઈએ કે, સારા અલી ખાને વર્ષ ૨૦૧૮માં આવેલી ફિલ્મ કેદારનાથથી બોલીવુડમાં ડેબ્યૂ કર્યું હતું, જેમાં દિવંગત સ્ટાર સુશાંત સિંહ રાજપૂત પણ હતો. જો કે, આ મૂવી બોક્સ ઓફિસ પર ખાસ કમાલ કરી શકી નહીં.
અભિષેક કપૂરના ડિરેક્શનમાં બનેલી કેદારનાથ કમાણીના મામલે સરેરાશ સાબિત થઈ હતી. વર્ષ ૨૦૨૩માં રિલીઝ થયેલી સારા અલી ખાનની જરા હટકે જરા બચકે હિટ થઈ હતી. આ ઉપરાંત એક્ટ્રેસ ઓટીટી પર પણ ધમાલ મચાવી રહી છે. સારાની પાછલી મર્ડર મિસ્ટ્રી ફિલ્મ મર્ડર મુબારક હો, ચર્ચામાં રહી હતી, આ મૂવી નેટલિક્સ પર રિલીઝ થઈ હતી.