નવીદિલ્હી, આપના રાજ્યસભા સાંસદ સ્વાતિ માલીવાલ પર સીએમ હાઉસમાં મારપીટના મામલામાં એક નવું અપડેટ સામે આવ્યું છે. ઘટના સમયે સ્વાતિ માલીવાલે જે કુર્તા અને જીન્સ પહેર્યા હતા તે પોલીસે ફોરેન્સિક તપાસ માટે મોકલી આપ્યા છે.
રાજ્યસભા સાંસદ સ્વાતિ માલીવાલ પર કથિત હુમલાનો મામલો ગરમાયો છે. પોલીસે સીએમ અરવિંદ કેજરીવાલના પીએ બિભવ કુમારની ધરપકડ કરી છે. દરમિયાન, એવા અહેવાલો છે કે સીએમ હાઉસના સીસીટીવી ફૂટેજ સાથે છેડછાડ કરવામાં આવી છે અને કહેવામાં આવી રહ્યું છે કે બિભવ કુમારનો મોબાઇલ ફોન પણ ફોર્મેટ કરવામાં આવ્યો છે. આવી સ્થિતિમાં અનેક પ્રકારના સવાલો ઉભા થવા લાગ્યા છે.
તાજેતરમાં સ્વાતિ માલીવાલે આડક્તરી રીતે અરવિંદ કેજરીવાલના પીએ બિભવ કુમાર પર નિશાન સાયું હતું. સ્વાતિ માલીવાલે સોશિયલ મીડિયા સાઇટ ઠ પર એક પોસ્ટ શેર કરી હતી. પોસ્ટ શેર કરતા સ્વાતિ માલીવાલે લખ્યું કે, એક સમયે, અમે બધા નિર્ભયા માટે ન્યાય મેળવવા માટે રસ્તાઓ પર નીકળતા હતા, આજે ૧૨ વર્ષ પછી, અમે સીસીટીવી બનાવનારા આરોપીને બચાવવા માટે રસ્તા પર આવ્યા છીએ. ફૂટેજ ગાયબ થઈ ગયા અને મનીષ સિસોદિયાએ આટલી મહેનત કરી હોત તો મારા માટે આટલું ખરાબ ન થયું હોત, ગઈકાલે પાર્ટીમાં આવેલા નેતાઓએ કબૂલાત કરી હતી અને આજે યુ-ટર્ન.
સ્વાતિ માલીવાલના મેડિકલ રિપોર્ટમાં સ્પષ્ટ છે કે તેના ડાબા પગમાં ઈજા છે અને તેની જમણી આંખની નીચે પણ ઈજાના નિશાન છે. સ્વાતિ માલીવાલના શરીર પર કુલ ચાર ઈજાના નિશાન છે. આ સિવાય મેડિકલ રિપોર્ટમાં કોઈ હથિયાર વડે હુમલાની પુષ્ટિ થઈ નથી. જ્યારે સ્વાતિ મેડિકલ ટ્રીટમેન્ટ માટે હોસ્પિટલ પહોંચી તો તેણે કહ્યું કે તેના માથા પર હુમલો થયો છે. આ પછી તે નીચે પડી ગઈ, ત્યારપછી તેના પેટ, પગ, પેલ્વિસ અને છાતી પર પગ વાગ્યો.