ગોધરા, ગોધરા શહેરના દાહોદ રોડ ઉપર આવેલા અબ્બાસ હોસ્પિટલ ખાતે સેવા ઓર્ગેનાઈઝેશન યુ.એસ.એ. અને ઇન્ડિયાના ફાઉન્ડર ડોક્ટર યોગેશ જોશીના માર્ગદર્શન હેઠળ રાહત દરે ફિઝિશિયન નિદાન અને સારવાર કેમ્પનું આયોજન કરવામાં આવ્યું હતું જેમાં મોટી સંખ્યામાં દર્દીઓએ નિદાન કેમ્પમાં ભાગ લીધો હતો.
લોકશાહીના મહાન પર્વ ચૂંટણી પર્વ નિમિત્તે નાગરિકોની સુખાકારી માટે પ્રજાજનોની સેવામાં અગ્રેસર સેવાભાવી સંસ્થા સેવા ઓર્ગેનાઇઝેશન યુ.એસ.એ અને ઇન્ડિયાના ફાઉન્ડર ચેરમેન ડોક્ટર યોગેશ જોશીના માર્ગદર્શન હેઠળ રાહત દરનો ફિઝિશિયન નિદાન અને સારવાર કેમ્પ અબ્બાસ હોસ્પિટલ, દાહોદ રોડ, ગોધરા ખાતે રાખવામાં આવ્યો હતો. પંચમહાલ જીલ્લાના વિવિધ ગામોના દર્દીઓએ આ કેમ્પનો લાભ લીધો હતો. આ કેમ્પમાં ઉપસ્થિત દર્દીઓનું નિદાન ડોક્ટર મઝાહીર એન. મીઠીબોરવાલા તથા ડોક્ટર જેસન પરમાર કર્યું હતું. સેવા ઓર્ગેનાઇઝેશનના ડોક્ટર શ્યામસુંદર શર્મા, રાકેશ જોષી, રોનક શાહ, પ્રદિપ સોની પત્રકાર તથા નીલમ સોની, સ્નેહલ સોની વિગેરે આ સેવાયજ્ઞમાં જોડાયા હતા.