ઝારખંડ, ઝારખંડ હાઈકોર્ટે રાહુલ ગાંધીને એક હજાર રૂપિયાનો દંડ ફટકાર્યો છે. હાઈકોર્ટે એક કેસની ચાલી રહેલી સુનાવણીમાં જવાબ દાખલ કરવામાં વિલંબ બદલ કોંગ્રેસ નેતા રાહુલ ગાંધી પર ૧૦૦૦ રૂપિયાનો દંડ ફટકાર્યો છે. અમિત શાહ સંબંધિત કેસમાં તેમની સામે આ કાર્યવાહી કરવામાં આવી છે.
ચાઈબાસાની સાંસદ-ધારાસભ્ય કોર્ટે ભાજપના તત્કાલિન રાષ્ટ્રીય અધ્યક્ષ વિરુદ્ધ રાહુલ ગાંધી દ્વારા કરવામાં આવેલી કથિત અપમાનજનક ટિપ્પણી સંબંધિત કેસની નોંધ લીધી હતી, જેને રદ કરવા તેમણે ઝારખંડ હાઈકોર્ટમાં અરજી દાખલ કરી છે. ગયા મહિને આ અરજી પર સુનાવણી દરમિયાન હાઈકોર્ટે રાહત આપી હતી અને ચાઈબાસા કોર્ટમાં ચાલી રહેલી કાર્યવાહી પર રોક લગાવી દીધી હતી. ૨૦૧૮માં ભાજપના તત્કાલિન રાષ્ટ્રીય અધ્યક્ષ વિરુદ્ધ અપમાનજનક ટિપ્પણી કરી હતી .રાહુલ ગાંધીને આ મામલે જવાબ દાખલ કરવા માટે કહેવામાં આવ્યું હતું. રાહુલ ગાંધી વિરુદ્ધ દાખલ કરવામાં આવેલી ફરિયાદમાં ચાઈબાસાના રહેવાસી પ્રતાપ કટિયાર નામના વ્યક્તિએ આરોપ લગાવ્યો હતો કે તેણે વર્ષ ૨૦૧૮માં કોંગ્રેસના અધિવેશનમાં ભાજપના તત્કાલિન રાષ્ટ્રીય અધ્યક્ષ અમિત શાહ વિરુદ્ધ અપમાનજનક ટિપ્પણી કરી હતી.
આ ફરિયાદના મામલામાં ચાઈબાસા કોર્ટે એપ્રિલ ૨૦૨૨માં રાહુલ ગાંધી વિરુદ્ધ જામીનપાત્ર વોરંટ જારી કર્યું હતું. આ અંગે રાહુલ ગાંધીના પક્ષમાંથી કોઈ સંજ્ઞાન લેવામાં આવ્યું નથી. આ પછી કોર્ટે ફેબ્રુઆરી ૨૦૨૪ માં તેની વિરુદ્ધ બિનજામીનપાત્ર વોરંટ જારી કર્યું. આ પછી તેઓ હાઈકોર્ટ પહોંચ્યા હતા.