મુંબઇ, સુચિત્રા તરીકે જાણીતી સિંગર સુચિત્રા રામાદુરાઈએ તાજેતરમાં એક ઈન્ટરવ્યુ દરમિયાન ધનુષ અને ઐશ્વર્યા રજનીકાંતના લગ્ન અને છૂટાછેડા અંગે કેટલાક ચોંકાવનારા ખુલાસા કર્યા હતા. તેણે દાવો કર્યો હતો કે લગ્ન દરમિયાન બંનેએ એકબીજા સાથે છેતરપિંડી કરી હતી. આ સાથે તેણે રજનીકાંતની પુત્રી ઐશ્વર્યાને પણ ’ખરાબ માતા’ કહી છે.
સિંગર સુચિત્રાએ તેના તાજેતરના ઈન્ટરવ્યુમાં કહ્યું હતું કે ઐશ્વર્યા અને ધનુષ પણ એકબીજા પ્રત્યે વફાદાર નથી. ઐશ્વર્યા ભલે ધનુષ પર તેના પર છેતરપિંડીનો આરોપ લગાવતી હોય, પરંતુ તેણે પણ તેમના સમગ્ર લગ્નજીવનમાં એવું જ કર્યું છે.
સુચિત્રાએ કહ્યું કે ઐશ્વર્યા અને ધનુષ તે લોકો સાથે બારમાં બેસતા અને ડ્રિંક્સ કરતા જેને તેઓ ડેટ કરતા હતા. ગાયકે એમ પણ કહ્યું કે તેમના મતભેદો હોવા છતાં, ધનુષ તેના બાળકો યાત્રા અને લિંગા માટે એક મહાન પિતા છે. છૂટાછેડા પછી બાળકોએ તેમના દાદા રજનીકાંત સાથે રહેવું જોઈએ. ધનુષ અને ઐશ્વર્યાએ ૨૦ વર્ષ સુધી લગ્ન કર્યા બાદ આ વર્ષે એપ્રિલમાં સત્તાવાર રીતે છૂટાછેડા માટે અરજી કરી હતી. બંને છેલ્લા કેટલાક સમયથી અલગ રહેતા હતા અને હવે તેઓએ કાયદેસર રીતે અલગ થવાનો નિર્ણય કર્યો છે.