વલસાડ, ગુજરાતમાં અલગ અલગ સ્થળેથી નશાકારક સિરપ મળવાનો સિલસિલો રોકાવાનું નામ નથી લઇ રહ્યો. હવે વલસાડમાંથી નશાકારક કફ સીરપનો જથ્થો ઝડપાયો છે. આ મામલામાં એક વ્યક્તિની ધરપકડ પણ કરવામાં આવી છે.
વલસાડ એસઓજીએ નશાકારક કફ સીરપનો જથ્થો ઝડપી પાડ્યો છે. અતુલ ફાસ્ટગેટ ખાતે આવેલા એપાર્ટમેન્ટમાંથી જથ્થો ઝડપી લેવામાં આવ્યો છે. રત્નગીરી પ્લાઝા એપાર્ટમેન્ટમાં બાતમીના આધારે રેડ પાડી હતી. ૧૧૫ જેટલી બોટલ સહિત ૨૮ હજારથી વધુ રુપિયાનો મુદ્દામાલ જપ્ત કરવામાં આવ્યો છે. સાથે જ એસઓજીએ પ્રેમચંદ શર્મા નામના શખ્સની ધરપકડ કરવામાં આવી છે.