દાહોદમા બેગમા મૂકેલો સ્માર્ટ ફોન આચાનક સળગી ઉઠ્યો હતો. મોબાઈલને તાત્કાલિક બેગમાંથી બહાર કાઢીને પાણી છાંટવામા આવ્યું હતું.
પ્રાપ્ત વિગતો અનુસાર દાહોદ શહેરના સ્ટેશન રોડ પર આવેલ રતલામી સેવ નજીકથી એક શખ્સ પસાર થઈ રહ્યો હતો, તે સમય દરમ્યાન તેની બેગમા કંઈક સળગી રહ્યુ હોવાનું ધ્યાને આવતા બેગ ખોલીને ચેક કરતા બેગમા મૂકેલા સ્માર્ટ ફોનમાંથી ધુમાડો નિકળી રહ્યો હતો. મોબાઈલ સળગતો જોતા જ યુવક ગભરાઈ ગયો હતો, અને તાત્કાલિક મોબાઈલને બેગ માંથી બહાર કાઢીને જમીન ઉપર ફેકી દીધો હતો. આસપાસના લોકોએ તાત્કાલિક સળગતા મોબાઈલ પર પાણી છાંટીને મોબાઈલમા ભડકો થાય તે પહેલા આગ ઓલવી નાખી હતી. સમગ્ર ઘટનામા કોઈ જાન હાની થઈ ન હતી.