ઈસાઈ મિશનરીઓ સાથે જોડાયેલા લોકો ઘાટમપુર વિસ્તારમાં તેઓ ગરીબોને આથક પ્રલોભન આપીને માઇન્ડ વોશ કરે છે
કાનપુર,
ઉત્તર પ્રદેશના કાનપુરમાં ધર્મ પરિવર્તનનો મોટો ખેલ ચાલી રહ્યો છે. એવો દાવો કરવામાં આવી રહ્યો છે કે જિલ્લાના ઘાટમપુર વિસ્તારના ઘણા વિસ્તારોમાં ૯૦ ટકા વસ્તીનું ધર્માંતરણ થઈ ગયું છે. ધર્મ પરિવર્તન અંગે મળતી માહિતી મુજબ ઈસાઈ મિશનરીઓ સાથે જોડાયેલા લોકો બહારના પ્રદેશની વસાહતોને નિશાન બનાવે છે અને અહીં તેઓ ગરીબોને આથક પ્રલોભન આપીને માઇન્ડ વોશ કરે છે અને પછી તેમનું ધર્મ પરિવર્તન કરે છે.
જ્યારે બાકીની વસ્તી પર ધર્મ પરિવર્તન માટે દબાણ કરવામાં આવી રહ્યું છે. આ કામગીરી છેલ્લા ઘણા વર્ષોથી ચાલી રહી છે, પરંતુ હવે એક વ્યક્તિએ આ મામલે પોલીસમાં ફરિયાદ કરી છે. બીજી તરફ આ મામલો પોલીસ સુધી પહોંચતા જ આ ધર્મ પરિવર્તનમાં લાગેલા લોકો ઘરને તાળા મારીને ભાગી ગયા હતા. હાલ પોલીસ પોતાના સ્તરે મામલાની તપાસ કરી રહી છે. એડિશનલ એસપી વિજેન્દ્ર દ્વિવેદીએ જણાવ્યું કે તાજેતરમાં આવી ફરિયાદ આવી છે. આ ફરિયાદના આધારે ઘાટમપુર પોલીસ સ્ટેશનમાં કેસ નોંધવામાં આવ્યો છે અને તપાસ શરૂ કરવામાં આવી છે.
પોલીસે જણાવ્યું કે ઘાટમપુરમાં રહેતા ઇશુ અવસ્થી નામના યુવકને ખ્રિસ્તી મિશનરીઓએ ખ્રિસ્તી ધર્મ અપનાવવાની લાલચ આપી હતી. પરંતુ તેણે વિશ્વ હિન્દુ પરિષદ અને બજરંગ દળના શુભમ સૌર્ય વગેરેનો સંપર્ક કર્યો અને પછી તેમની સાથે ઘાટમપુર પોલીસ સ્ટેશનમાં આવીને ફરિયાદ આપી. આ ફરિયાદ પર પોલીસ તપાસ શરૂ થતાં જ આરોપીઓ ઘરને તાળા મારીને ભાગી ગયા હતા. પોલીસ આ તમામ લોકોને શોધી રહી છે.
ધર્મ પરિવર્તન અંગે મળતી માહિતી મુજબ ઈસાઈ મિશનરીઓ સાથે જોડાયેલા લોકો બહારના પ્રદેશની વસાહતોને નિશાન બનાવે છે અને અહીં તેઓ ગરીબોને આથક પ્રલોભન આપીને માઇન્ડ વોશ કરે છે અને પછી તેમનું ધર્મ પરિવર્તન કરે છે. અહીં ગરીબોને આથક પ્રલોભન આપીને તેઓનું મન જીતી લે છે અને પછી તેમનું ધર્મ પરિવર્તન કરવામાં આવી રહ્યું છે કે આવી ઘટના ઘણા વર્ષોથી ચાલી રહી છે. જેના કારણે આ વિસ્તારની ઘણી કોલોનીઓમાં લગભગ ૯૦ ટકા વસ્તીએ ધર્મ પરિવર્તન કર્યું છે.
વિશ્વ હિંદુ પરિષદના અધિકારીઓના જણાવ્યા અનુસાર કાનપુરના ઘાટમપુર માં રહેતી ૯૦ ટકા વસ્તીનું ધર્માંતરણ થયું છે. તેમને સમજાવીને ઘરે પરત લાવવાની તૈયારી પણ કરવામાં આવી છે. આ અંગે પોલીસને સતત ફરિયાદો કરવામાં આવી રહી છે, પરંતુ પોલીસના ઉદાસીન વલણને કારણે આવા લોકોનું મનોબળ વધી રહ્યું છે.