દાહોદ,દાહોદ જીલ્લાના દેવગઢ બારીઆ તાલુકાના ભથવાડા ટોલનાકા પાસેથી પોલીસે એક પીકઅપ બોલેરો ફોર વ્હીલર ગાડી માંથી રૂા. 4,65,600ના પ્રોહી જથ્થા સાથે ગાડીની કિંમત મળી પોલીસે કુલ રૂા.8,67,600નો મુદ્દમાલ કબજે કર્યાનું જ્યારે બોલેરો પીકઅપ ફોર વ્હીલર ગાડીનું પાયલોટીંગ કરી રહેલ અન્ય એક પીકઅપ ગાડીનો ચાલક પોતાના કબજાની ફોર વ્હીલર ગાડી લઈ નાસી ગયાંનું જાણવા મળે છે.
ગત તા.08મી મેના રોજ પોલીસને મળેલ બાતમીના આધારે પોલીસે દેવગઢ બારીઆના ભથવાડા ટોલનાકા પાસે નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતાં હતા. તે સમયે ત્યાંથી બાતમીમાં દર્શાવેલ એક પીકઅપ બોલેરો ફોર વ્હીલર ગાડી પસાર થઈ હતી. ગાડીમાં સવાર ચાલક અલ્પેશભાઈ અર્જુનભાઈ ચૌહાણ (રહે. બાજીપુરા, દરબાર ચોક, તા. ઉમરેઠ, જી. આણંદ)ની પોલીસે પુછપરછ કરતાં પોલીસને સંતોષકારક જવાબ ન મળતાં પોલીસે ગાડીની તલાસી લેતાં તેમાં થ્રેસરથી પીસેંલ ઘાસની ભુકીની આડમાં સંતાડી રાખેલ વિદેશી દારૂ તથા બીયરની કુલ બોટલો નંગ. 4320 કિંમત રૂા.4,65,600ના જથ્થા સાથે પોલીસે ગાડીની કિંમત મળી કુલ રૂા.8,67,600નો મુદ્દામાલ કબજે કરી ઉપરોક્ત ચાલકની પુછપરછ કરતાં પોતાની પીકઅપ બોલેરો ગાડીનું પાયલોટીંગ કરી રહેલ કરણસીંહ રૂપસીંહ ચૌહાણ (રહે. બાજીપુરા, તા. ઉમરેઠ, જી. આણંદ)નો પોતાના કબજાની પીકઅપ ગાડી લઈ નાસી ગયો હોવાનું પોલીસ સમક્ષ કબુલાત કરતાં આ સંબંધે પીપલોદ પોલીસે પ્રોહીબીશનનો ગુનો નોંધી આગળની કાયદેસરની કાર્યવાહી હાથ ધરી છે.