ઝાલોદ, ઝાલોદ નગરમાંં પોલીસ પેટ્રોલીંગમા હતી. તે દરમ્યાન તેમણે ચોક્કસ બાતમી મળેલ હતી કે નંબર વગરની કેસરી કલરની જ્યુપિટર ગાડી પર એક ઈસમ વિદેશી દારૂ લઈને આવી રહેલ છે. બાતમી મુજબ ધાવડીયા ગામે સેજુ ફળીયામાં વોચ કરતા ત્યાં બાતમીવાળું વાહન આવતા તેને રોકવાનો પ્રયાસ કરાતાં ચાલક દ્વારા ગાડી વળાવી ગાડી થોડે દૂર મૂકી ઝાડી ઝાંખરાનો લાભ લઈ નાશી ગયેલ હતો. પોલીસ દ્વારા જ્યુપિટર ગાડી ચેક કરાતા ગાડી ઉપર તેમજ ગાડીની ડીકી માંથી 117 નંગ વિદેશી દારૂની બોટલ જેની આશરે કિંમત 12,732 સાથે જ્યુપિટર ગાડીની કિંમત 30,000 સાથે કુલ 42,732 નો મુદ્દામાલ ઝડપી પોલીસ દ્વારા અજાણ્યા ઈસમ વિરૂધ્ધ કાયદેસરની કાર્યવાહી કરવામાં આવેલ છે.