ગોધરા, ગોધરા શહેર જી.આઈ.ડી.સી.માં પડીયા-પતરાળાના ગોડાઉનમાં વહેલી સવારે કોઈ કારણોસર આગ લાગી હતી. આગની ધટનાને લઈ પાલિકા ફાયર બ્રિગેડને કોલ કરતાં ફાયર ફાયટરોએ પાણીનો મારો ચલાવી આગ ઉપર કાબુ મેળવ્યો હતો.
ગોધરા જી.આઈ.ડી.સી.માં પડીયા-પતરાળાના ગોડાઉનમાં વહેલી સવારે કોઇ આકસ્મિક કારણોસર આગ લાગી હતી. પડીયા-પતરાળાના ગોડાઉનમાં લાગેલ આગને લઈ અફરાતફરીનો માહોલ સર્જાયો હતો. ગોડાઉન માલિક દ્વારા પાલિકા ફાયર બ્રિગેડને જાણ કરવામાં આવતાં ફાયર ફાયટરોએ ચાર ફાયર બ્રાઉઝરો દ્વારા 3 કલાક સુધી સતત પાણીનો મારો ચલાવીને આગ ઉપર કાબુ મેળવ્યો હતો. પડીયા-પતરાળાના ગોડાઉનમાં લાગેલ આગની બાજુમાં આવેલ ખાદ્ય તેલના ગોડાઉનમાં પ્રસરે તે પહેલા આગ ઉપર કાબુ મેળવવામાં આવ્યો હતો. પડીયા-પતરાળાના ગોડાઉનમાં લાગેલ આગના કારણે લાખો રૂપીયાનુંં નુકશાન થવા પામ્યું છે. સદ્દનસીબે કોઈ જાનહાનિ થવા પામી ન હતી.