ગોધરા, ગોધરા ખાતે આવેલા એન્જિનિયરિંગ કોલેજ ટુવા ખાતે મેગા જોબ ફેરનું આયોજન કરવામાં આવ્યું હતું. જેમાં 690થી વધારે વિદ્યાર્થીઓ હાજર રહ્યા હતા. જેમાં ડીપ્લોમા એન્જિનિયરિંગ તથા ડીગ્રી એન્જિનિયરિંગની જુદી જુદી શાખાઓમાં જેવા કે મીકેનીકલ, ઈલેક્ટ્રીકલ, સિવિલ, કોમ્પ્યુટરના વિદ્યાર્થીઓ તથા આઇ.ટી.આઈના જુદા જુદા ટ્રેના વિદ્યાર્થીઓએ ખુબ જ ઉત્સાહ સાથે રોજગારીની ઉચ્ચ તક મળી રહે એવી આશાથી ભાગ લીધો હતો.
જેમાં આદિત્ય બિરલા, સીએટ ટાયર, એલ.એમ વીન્ડ પાવર, એપોલો ટાયર, ઈંઝઈ ઇન્ટરનેશનલ, એનબીસી બેરિંગ, સેફલર, યજાકી, ટિકિટર, લોડ સ્ટાર, નોબલ ઓટોમેટીવ જેવી 25 કંપનીઓએ ભાગ લીધો હતો. અલગ અલગ કંપનીઓએ 410થી વધારે વિદ્યાર્થીઓ સિલેક્ટ કર્યા હતા. સંસ્થાના ટ્રસ્ટી, આચાર્ય તેમજ સ્ટાફ ગણે વિદ્યાર્થીઓને ખૂબ ખૂબ અભિનંદન પાઠવ્યા હતા.