કપડવંજની એમપી હાઈસ્કૂલ ખાતે નગરજનોનો મતદાનનો જુસ્સો યથાવત

• 21 વર્ષીય આરજુ પઠાણે ફર્સ્ટ ટાઈમ વોટ કરવાનો આનંદ વ્યકત કર્યો.

નડિયાદ,લોકસભા સામાન્ય ચૂંટણી 2024 માટે સમગ્ર ખેડા મતવિસ્તાર માટે મતદાન ચાલી રહ્યું છે ત્યારે 120- કપડવંજ બેઠકના એમ.પી હાઈસ્કૂલ ખાતે તમામ વય જૂથના મતદારો દ્વારા વોટ આપી લોકશાહીનો ઉત્સવ મનાવવામાં આવી રહ્યો છે. અહીં મહિલા મતદારોને આકર્ષવા 117- સખી સંચાલિત મતદાન બુથ તૈયાર કરવામાં આવ્યું છે. જેમાં 05 મહિલા મતદાન સ્ટાફ દ્વારા મતદાનની કામગીરી સુપેરે કરવામાં આવી રહી છે.

ત્યારે કપડવંજના હજીયાણી પાર્ક સોસાયટીના રહીશ, 21 વર્ષીય આરજુ પઠાણે લોકસભા સામાન્ય ચૂંટણી અંતર્ગત પ્રથમ વખત મતદાન કરી આનંદની લાગણી અનુભવી હતી. સાથે જ આરજુ પઠાણે જીલ્લાના યુવા મતદારોને વધુમાં વધુ મતદાન કરવા અપીલ કરી હતી.