સિડની, ઓસ્ટ્રેલિયાની મહિલા સાંસદે આરોપ લગાવ્યો છે કે તેને નાઈટ આઉટ દરમિયાન પહેલા કોઈ નશીલા પદાર્થ આપવામાં આવ્યો હતો. આ પછી તેણીની જાતીય સતામણી કરવામાં આવી હતી. ક્વીન્સલેન્ડ લેબર પાર્ટીના સાંસદ બ્રિટની લાઉગાએ જણાવ્યું હતું કે તે મય ક્વીન્સલેન્ડ શહેરમાં યેપૂનમાં નાઈટ આઉટ માટે બહાર હતી ત્યારે આ ઘટના ઘટી હતી. તેણે વહેલી સવારે પોલીસમાં ફરિયાદ નોંધાવી હતી.
ઓસ્ટ્રેલિયન બ્રોડકાસ્ટિંગ કોર્પોરેશન (એબીસી)એ લાઉગાને ટાંકીને કહ્યું, “હોસ્પિટલમાં પરીક્ષણ દરમિયાન, મારા શરીરમાં આવી દવાઓની પુષ્ટિ થઈ છે, જેનું સેવન મેં કર્યું ન હતું.” શહેરની ઘણી મહિલાઓ તેની પાસે પહોંચી જેમણે આવી ઘટનાઓનો સામનો કરવો પડ્યો હતો.
તેમણે કહ્યું, “આ કોઈની સાથે પણ થઈ શકે છે. આપણામાંના ઘણાને થાય છે. આ યોગ્ય નથી. “અમે અમારા શહેરમાં ડ્રગ્સ અથવા હુમલાના જોખમ વિના સામાજિક ક્રિયાપ્રતિક્રિયાનો આનંદ માણવા સક્ષમ હોવા જોઈએ.”
તેણીએ આગળ કહ્યું, “હું મારા સમર્થનમાં આગળ આવનાર દરેકનો આભાર માનું છું. હું ખરેખર તમારા વિચારશીલ સંદેશાઓની કદર કરું છું. જો તમારી પાસે તપાસમાં મદદ કરી શકે તેવી કોઈ માહિતી હોય, તો કૃપા કરીને પોલીસને જણાવો.
યુકે સ્થિત અખબાર ધ ગાડયનના અહેવાલ મુજબ, લાઉગા સાથે બનેલી આ ઘટનાનો વીડિયો પણ બનાવવામાં આવ્યો હતો. તે સોશિયલ મીડિયામાં વાયરલ થયો છે.
ક્વીન્સલેન્ડના પ્રીમિયર સ્ટીવન માઈલ્સે કહ્યું કે સરકાર લાઉગાને શક્ય દરેક રીતે સમર્થન આપી રહી છે. તેમણે કહ્યું, “બ્રિટની જેમાંથી પસાર થઈ રહી છે તેમાંથી કોઈએ પસાર થવું ન જોઈએ. મારું એકમાત્ર યાન બ્રિટની અને તેની સુખાકારી પર છે. મેં બ્રિટનીને કહ્યું કે અમે તેને સપોર્ટ કરવા માટે અહીં છીએ.